އެމްއެމްޕީއާރުސީ ހިޔާނާތުގެ މައްސަލައިގައި 5 ފުލުހަކު މަސައްކަތުން އެކަހެރިކޮށްފި
25 ޖޫން 2020 | ބުރާސްފަތި 17:335 ފުލުހަކު ވަޒީފާއިން އެކަހެރި ކުރެވިފައިވަނީ މައްސަލަ ކުރިއަށްދާތީ
ފުލުހުންގެ އިދާރާ
އެމްއެމްޕީއާރުސީ ހިޔާނާތުގެ މައްސަލައާ ގުޅޭ ފަސް ފުލުހަކު ވަޒީފާގެ މަސްއޫލިއްޔަތުން އެކަހެރި ކޮށްފިއެވެ.
ފުލުހުން ބުނީ އެމްއެމްޕީއާރުސީގެ މައްސަލައާއި ގުޅޭގޮތުން ހިނގަމުންދާ ތަހުޤީގުގައި، އެމްއެމްޕީއާރުސީގެ ފައިސާ ލިބިފައިވާ ފުލުހުންގެ ވަޒީފާގައި މި ވަގުތު ތިބި ފަސް މުވައްޒަފެއްގެ ޖިނާއީ އަދި އިދާރީ ތަހުގީގު ހިނގަމުންދާތީ ވަޒީފާގެ މައްސޫލިއްޔަތުން ދުުރުކުރެވިފައިވާ ކަމަށެވެ.
އެމްއެމްޕީއާރުސީ ހިޔާނާތުގެ މައްސަލައާ ގުޅޭ ފަސް ފުލުހަކު ވަޒީފާގެ މައްސޫލިއްޔަތުން އެކަހެރިކޮށްފައިވާ އިރު, އެމްއެމްޕީއާރުސީގެ ޚިޔާނާތުގެ ލިސްޓުގައި ސިޔާސީ ބެފުޅުންނާއި ހުރިހާ ޕާޓީތަކަށް ނިސްބަތްވާ މެންބަރުންވެސް ހިމެނޭކަމަށް ދާދިފަހުން ޕްރޮސެކިއުޓަރ ޖެނެރަލް ހުސައިން ޝަމީމް ވަނީ ވިދާޅުވެފައެވެ.
މި މައްސަލައާ ގުޅިގެން ކުރީގެ ނައިބު ރައީސް އަހުމަދު އަދީބު ހައްޔަރުކުރުމަށް ފަހު، ރައީސް ޔާމީން ވެސް ވަނީ ފުލުހުންނަށް އެމްއެމްޕީއާރްސީގެ ފައިސާއިން ފުލުހުންނަށް ހަރަދުކޮށްފައިވާ ކަމަށް ވިދާޅުވެފައެވެ. ނަމަވެސް، މި މައްސަލައިގައި މިހާތަނަށް އެއްވެސް ފުލުހެއްގެ މައްޗަށް ދައުވާ ކޮށްފައެއް ނުވެއެވެ.
