11 ޓަނުގެ މުދާ މޯލްޑިވިއަން އިން ރާއްޖެ ގެނެސްފި

11 ޓަނުގެ މުދާ މޯލްޑިވިއަން އިން ރާއްޖެ ގެނެސްފިއެވެ.

11 ޓަނުގެ މުދާ މޯލްޑިވިއަން އިން ރާއްޖެ ގެނެސްފައިވަނީ އާދިއްތަ ދުވަހުގެ ރޭގައެވެ. އަދި މީގެ ތެރޭގައި ތަރުކާރީއާއި މޭވާގެ ބާވަތްތަކާއި ސިއްޙީ ސާމާނު ހިމެނޭ ކަމަށް މޯލްޑިވިއަން އިން ބުންޏެވެ.

މޯލްޑިވިއަނުން އަންނަނީ 5 މަންޒިލަކަށް ކާގޯ ފްލައިޓުތައް ބާއްވަމުންނެވެ. އެގޮތުން ކޮލޮމްބޯއާ ޓްރިވެންޑްރަމްއާ ޗެންނާއީގެ އިތުރުން ބެންކޮކް އަދި ދުބާއީ ކާގޯ ފްލައިޓުތައް ބާއްވައެވެ.

ކޯވިޑް-19 ފެތުރެން ފެށުމާއެކު ދުނިޔޭގެ އެއަރލައިންތައް ހުއްޓުމަކަށް އައުމާއި ގުޅިގެން ޤައުމަށް ގެންނަން ބޭނުންވާ ޒަރޫރީ މުދާ ގެނައުމުގެ މަސައްކަތުގެ ދަށުން މޯލްޑިވިއަންއިން ޗާޓަރ ދަތުރުތައް ފަށާފައިވަނީ މިދިޔަ މާޗުމަހުގެ 29 ވަނަ ދުވަހުއެވެ

ކާގޯ ދަތުރުތަކަށް އޮންނަ ޑިމާންޑަށް ބެލުމަށްފަހު އިތުރު މަންޒިލްތަކަށްވެސް ދަތުރުތައް ފެށުމަށް ނިންމާފައިވާ ކަމަށް މޯލްޑިވިއަން އިން ބުނެއެވެ.