ލޮކްޑައުންއާ ހިލާފުވެގެން އިއްޔެ 17 މީހަކު ހައްޔަރުކޮށް 277 މީހަކު ޖޫރިމަނާކޮށްފި
6 ޖޫން 2020 | ހޮނިހިރު 10:16މިހާތަނަށް 7675 މީހަކު ވަނީ ލޮކްޑައުންއާއި ގުޅިގެން ޖޫރިމަނާކޮށްފައި
މާލޭގައި މަގުތައް ޕެޓްރޯލް ކުރުމުގެ ތެރެއިން ފުލުހުން ސައިކަލެއް މަޑުކުރުވާ ޗެކްކުރަނީ
ކޮވިޑް-19 އާއި ގުޅިގެން މާލެ ސަރަހައްދުގައި އިއުލާންކޮށްފައިވާ ލޮކްޑައުންގެ އަމުރާ ހިލާފުވެގެން ހުކުރު ދުވަހު 17 މީހަކު ހައްޔަރުކޮށް 277 މީހަކު ޖޫރިމަނާ ކޮށްފިއެވެ.
ފުލުހުން ބުނީ ހުކުރު ދުވަހު ލޮކްޑައުންއާ ހިލާފުވެގެން މާލެއިން ޖޫރިމަނާ ކޮށްފައިވަނީ 256 މީހުން ކަމަށާއި، ހުޅުމާލެއިން 18 މީހަކު އަދި ވިލިމާލެއިން 3 މީހަކު ވަނީ ޖޫރިމަނާކޮށްފައެވެ.
މިހާތަނަށް 7675 މީހަކު ވަނީ ލޮކްޑައުންއާއި ގުޅިގެން ޖޫރިމަނާކޮށްފައެވެ. މީގެ ތެރޭގައި ހިމެނެނީ މާލެއިން ޖޫރިމަނާކުރި 6811 މީހުންނާއި، ހުޅުމާލެއިން 751 މީހުންނާއި، ވިލިމާލެއިން 113 މީހަކު ވަނީ ޖޫރިމަނާ ކޮށްފައެވެ.
ހުކުރު ދުވަހު 17 މީހަކު ހައްޔަރުކޮށްފައިވަނީ މާލެއިން އެކަންޏެވެ. ހުޅުމާލެއިން އަދި ވިލިމާލެއިން މީހަކު ހައްޔަރުކޮށްފައި ނުވެއެވެ. މިހާތަނަށް 437 މީހަކު ވަނީ ލޮކްޑައުންއާ ހިލާފުވެގެން ހައްޔަރުކޮށްފައެވެ. މީގެ ތެރޭގައި ހިމެނެނީ މާލެއިން 394 މީހަކާއި، ހުޅުމާލެއިން 40 މީހަކާއި ވިލިމާލެއިން 3 މީހެކެވެ.
ލޮކްޑައުންގެ އަމުރާ ހިލާފުވެގެން ޖޫރިމަނާ ކުރާ މީހުން، ޖޫރިމަނާ ކުރަނީ 1000 ރުފިޔާއިންނެވެ. އެހެންކަމުން ޖޫރިމަނާކުރި 7675 މީހުން ޖޫރިމަނާގެ ގޮތުގައި 7،675،000 (ހަތް މިލިއަން ހަލައްކަ ހަތްދިހަ ފަސް ހާސް) ރުފިޔާ ދައުލަތަށް ދައްކަން ޖެހެއެވެ.
