ކަސްޓަމްސްއިން ކޮވިޑް-19ށް ޕޮޒިޓިވްވި ދެ މުވައްޒަފުން ބަލިން ފަސޭހަވެއްޖެ
31 މެއި 2020 | އާދީއްތަ 16:39ޕޮޒިޓިވްވީ ފިރިހެން މުވައްޒަފަކާއި، އަންހެން މުވައްޒަފެއް
ކަސްޓަމްސްގެ މައި އޮފީސް ސަރަހައްދުގައި، ކަސްޓަމްސްގެ މުވައްޒަފުން އެތުރިލައިގެން
މޯލްޑިވްސް ކަސްޓަމްސް ސަރވިސްގެ ދެމުވައްޒަފުން ކޮވިޑް-19ށް ޕޮޒިޓިވްވެ މިހާރު ރަނގަޅު ވެފައިވާ ކަމަށް ކަސްޓަމްސްގެ ޑެޕިއުޓީ ކޮމިޝަނަރ އަބްދުﷲ ޝަރީފް ވިދާޅުވެއްޖެއެވެ.
އާދިއްތަ ދުވަހު ނޭޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި ޝަރީފް ވިދާޅުވީ ޕޮޒިޓިވްވީ ފިރިހެން މުވައްޒަފަކާއި، އަންހެން މުވައްޒަފެއް ކަމަށެވެ. އަދި މިހާރު އެދެ މުވައްޒަފުންގެ ހާލު ރަނގަޅު ކަމަށް ޝަރީފް ވިދާޅުވިއެވެ.
ޝަރީފް ވިދާޅުވީ މިހާރު ވެސް ޕްރައިމަރީ ކޮންޓެކްޓްގެ ގޮތުގައި ފާހަގަކުރެވުނު ހުރިހާ މުވައްޒަފުން ވެސް ސާމްޕަލްނަގައި ނެގެޓިވްވެފައިވާ ކަމަށެވެ. އަދި ޝަރީފް ވިދާޅުވީ މުވައްޒަފެއް ދިރިއުޅޭ ގޭގެ ސަރަހައްދު ނުވަތަ އެގެއަކުން ކޮވިޑް-19ގެ ކޭސްއެއް ފެނިއްޖެ ހާލަތެއްގައި ވެސް އަމަލު ކުރާނެ ޚާއްސަ އުސޫލެއް ކަނޑައަޅާފައިވާ ކަމަށެވެ.
މުވައްޒަފުންގެ އެންމެހައި ކަންކަން މެނޭޖްމެންޓުން ވަރަށް ގާތުން ބަލަމުންދާނެ ކަމަށް ޝަރީފް ވިދާޅުވިއެވެ. ޝަރީފް ވިދާޅުވީ މިހާރު ވެސް ގާތްގަނޑަކަށް 30 ނުވަތަ 40 އާދެތެރޭގެ އޮފިސަރުން ހޯމް ކަރަންޓީންގައި އެބަތިބި ކަމަށެވެ.
