ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން ކޮވިޑް-19 އަށް ޓެސްޓު ކުރަން ބޭނުންކުރާ އިތުރު 5000 ޓެސްޓު ކިޓް ރާއްޖެ އަށް ހަދިޔާކޮށްފި އެވެ.
އެންއީއޯސީން ބުނީ، އަންގާރަ ދުވަހު ޑަބްލިއުއެޗްއޯ އިން ރާއްޖެއަށް އިތުރު 5000 ޓެސްޓު ކިޓް ހަދިޔާކޮށްފައިވާ ކަމަށެެވެ. އެ ޖަމިއްޔާއިން ވަނީ މީގެ ކުރިންވެސް އެކި ފަހަރު މަތިން ގިނަ އަދަދެއްގެ ޓެސްޓު ކިޓް ރާއްޖެ އަށް ހަދިޔާ ކޮށްފައި އެެވެ.
ރާއްޖެއިން ކޮވިޑް-19 އާ ދެކޮޅަށްކުރާ މަސައްކަތުގައި ޑަބްލިއުއެޗްއޯގެ އިތުރުން އެހެނިހެން ފަރާތްތަކުން ދަނީ އެހީތެރިކަން ފޯރުކޮށްދެމުންނެވެ. ރާއްޖޭގައި ހިންގާ ބޭރުގެ ރިސޯޓުތަކުގެ ވެރިންވެސް ދަނީ ސިއްހީ ދާއިރާ އަށް އެކި ގޮތް ގޮތުން އެހީތެރިކަން ފޯރުކޮށްދެމުންނެވެ.
ރާއްޖޭގައި ކޮވިޑް-19 އަށް ޓެސްޓުކުރެވޭ އަދަދު މިހާރު ވަނީ ކުރިޔާ އަޅާ ބަލާއިރު އިތުރުކުރެވިފައި އެވެ. މީގެ ކުރިން ހަމައެކަނި އައިޖީއެމްއެޗް ގައި ކޮވިޑަށް ޓެސްޓު ކުރެވެމުން ދިޔަ ކަމުގައިވިޔަސް މިހާރު އޭޑީކޭގެ އިތުރުން ފުލުހުންގެ ލެބޯރަޓަރީގައި ވެސް ކޮވިޑް-19 އަށް ޓެސްޓު ކުރެ އެވެ.
ޓެސްޓު ކުރުމުގެ ކެޕޭސިޓީ އިތުުރު ކޮށްފައިވާއިރު، ދުވާލެއްގެ މައްްޗަށް ނެގޭ ސާމްޕަލް ތަކުގެ އަދަދުވެސް އިތުރެވެ. އެކަށީގެންވާ ވަރަށް ޓެސްޓު ނުކުރެވޭނަމަ ބަލި އޮތް މިންވަރު ދެނެ ނުގަނެވޭނެ ކަމަށް ޑޮކްޓަރުން ދަނީ ވިދާޅުވަމުންނެވެ.
