ޕޮޒިޓިވްވި ފަހުން ފިލި މީހަކު ކުރިން އުޅުނުތަނަކުން 2 މީހަކު ޕޮޒިޓިވްވެފައިވޭ: މަބްރޫކް
20 މެއި 2020 | ބުދަ 01:05ޕޮޒިޓިވްވި ދެމީހުންގެ ކޭސް ނަންބަރަކީ 1062 އަދި 1063
ނެޝަނަލް އެމަރޖެންސީ އޮޕަރޭޝަން ސެންޓަރުގެ ތަރުޖަމާނު މަބްރޫކް އަޒީޒު؛ ފިލި މީހާ ކުރިން އުޅުނު ތަނުން 2 މީހަކު ޕޮޒިޓިވްވި، އެމީހުން ތިބީ އެކަހެރި ކުރެވިފައި
ޕޮޒިޓިވްވި ފަހުން ފިލި މީހުންގެ ތެރެއިން އަންގާރަ ދުވަހު ފެނުނު މީހާ ކުރިން އުޅުނުތަކުގައި އުޅުނު އެހެން 2 މީހަކު ކޮވިޑް-19 ށް ޕޮޒިޓިވްވެފައިވާ ކަމަށް ނެޝަނަލް އެމަރޖެންސީ އޮޕަރޭޝަން ސެންޓަރުން ބުނެފިއެވެ.
އަންގާރަ ދުވަހު އެ ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މަބްރޫކް އަޒީޒު ވިދާޅުވީ އަންގާރަ ދުވަހު ފެނިފައިވަނީ ފިލި މީހުންގެ ތެރެއިން 6 ވަނަ މީހާ ކަމަށެވެ. އެއީ ކޭސް ނަންބަރު 594 އެވެ.
މަބްރޫކް ވިދާޅުވީ ވިލިމާލެ ޑިޓެންޝަން ސެންޓަރުން 2 މީހަކު ޕޮޒިޓިވްވެފައިވާ ވާހަކަމަށެވެ. އަދި މި ދެމީހުންގެ ކޭސް ނަންބަރަކީ 1062 އަދި 1063 ކަމަށެވެ. މި ދެ މީހުން ބޭތިއްބިފައި ތިބީ އައިސޮލޭޓެޑް ސެލްސްގައި ކަމަށާއި، އެހެން އެއްވެސް މީހަކާއި ކޮންޓެކްޓް ނުވާ ގޮތަށް ކަމަށެވެ. ކޭސް 1062 އަކީ 24 އަހަރުގެ ބަންގުލަދޭޝް މީހެކެވެ. އަދި 1063 އަކީ ވެސް ބަންގުލަދޭޝްގެ މީހެކެވެ.
މަބްރޫކް ވިދާޅުވީ ޕޮޒިޓިވްވި ދެމީހުން ކުރިން ދިރިއުޅެމުން އައިސްފައިވަނީ ޕޮޒިޓިވިފަހުން ހޯދަމުން އައި މީހުންގެ ތެރެއިން ކޭސް ނަންބަރު 594 އާއި އެއް ލިވިންގ ބްލޮކެއްގައި ކަމަށެވެ.
ޕޮޒިޓިވްވި ފަހުން 7 މީހަކު ފިލި އެވެ. އަދި އެމީހުންގެ ތެރެއިން 6 މީހަކު މިހާރު ވަނީ ހޯދިފަ އެވެ.
