ވިލިވަރު ކަރަންޓީންގެ މަސައްކަތް ނިންމާ ބިދޭސީން ބަދަލު ކުރަން ތައްޔާރުވެއްޖެ
17 މެއި 2020 | އާދީއްތަ 17:43ވިލިވަރުގައި އަލަށް ހެދީ 200 އެނދުގެ 3 ޓެންޓް ފެސިލިޓީ
ވިލިވަރުގައި ތަރައްގީކުރި ކަރަންޓީން ފެސިލިޓީ؛ މިތަނުގައި 250 އެނދު ހުންނާނެ
ބިދޭސީންނަށް ހާއްސަކޮށްގެން ކ. ވިލިވަރުގައި ގާއިމް ކުރި ކަރަންޓީން ފެސިލިޓީގެ މަސައްކަތް އެއްކޮށް ނިންމައިފި އެވެ.
ނެޝަނަލް އެމަރޖެންސީ އޮޕަރޭޝަން ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން އެ ސެންޓަރުގެ ތަރުޖަމާނު މަބްރޫކް އަޒީޒު ވިދާޅުވީ ޓުއަރިޒަމް މިނިސްޓްރީގެ ފަރާތުން ވިލިވަރުގައި ހަދަމުންދިޔަ އާ ކަރަންޓީން ފެސިލިޓީ ހަދާ ނިމިފައިވާ ކަމަށެވެ. މަބްރޫކް ވިދާޅުވީ އެތަނުގައި 3 ޓެންޓެއް ހުންނަ އިރު 250 އެނދު ހުންނާނެ ކަމަށެވެ.
މިތަނަކީ ބިދޭސީންނަށް ހާއްސަ ތަނެކެވެ. މީގެ ކުރިން ވެސް އެތަނުގައި ބިދޭސީން ބޭތިއްބެވެ. ނަމަވެސް މައްސަލަތަކެއް ޖެހިގެން އަލުން އެތަން ހުސްކޮށް މުޅިން އާ ފެސިލިޓީއެއް ވަނީ ހަދާފަ އެވެ.
އަލަށް އިތުރުކުރި 200 ޖާގައާއެކު އާދީއްތަ ދުވަހު ވިލިވަރު ކަރަންޓީން ފެސިލިޓީ އަލުން ހުޅުވާނެކަމަށް ޓުއަރިޒަމް މިނިސްޓަރު އަލީ ވަހީދު ވަނީ މީގެ ކުރިން ވިދާޅުވެފަ އެވެ. މިނިސްޓަރު އަލީ ވަހީދު ވިދާޅުވީ ފެސިލިޓީގެ މަސައްކަތް ވެސް 'ސަރޖް' ގެ ތެރެގައި ނިންމާލެވޭ ވަރަށް މަސައްކަތް ކުރެވިފައިވާ ކަމަށެވެ.
