އެމެރިކާއިން ކޮވިޑް-19 ޖެހުނު މީހުންގެ އަދަދަު 1.5 މިލިއަނަށް

އެމެރިކާއިން 1.5 މިލިއަނަށް ވުރެ ގިނަ މީހުން ކޮވިޑް-19 އަށް ޕޮޒިޓިވް ވެއްޖެ އެވެ.

އެެމެރިކާގައި ކޮވިޑް-19 ޖެހުނު މީހުންގެ ޢަދަދު 1,507,798 (އެއްމިލިއަން ފަސްލައްކަ ހަތްހާސް ހަތްސަތޭކަ ނުވަދި އަށެއް) އަށް އަރާއިރު އެގައުމުގައި ވައިރަސް ޖެހިގެން މަރުވި މީހުންގެ ޢަދަދު ވަނީ 90،000 (ނުވަދިހަ ހާސް) އަށް ވުރެ އިތުރުވެފައެވެ.

އެމެރިކާގައި ވައިރަސް ފެތުރުން ކޮންޓްރޯލް ކުރުމަށް ފިޔަވަޅުތަކެއް އަޅާފައިވީނަމަވެސް، އެމެރިކާގައި ވައިރަސް ޖެހިގެން މަރުވާ މީހުންގެ ޢަދަދުތައް ދަނީ މަތިވަމުންނެވެ. އެގޮތުން، މިހާތަނަށް މި ބަލިޖެހިގެން ޖުމުލަ 90,113 (ނުވަދިހަ ހާސް ސަތޭކަ ތޭރަ) މީހުން ވަނީ މަރުވެފައެވެ. އާދީއްތަ ދުވަހު އެކަނިވެސް 1,218 މީހަކު މަރުވެފައިވާ ކަމަށް ރިޕޯޓުކޮށްފައި ވެއެވެ. އެމެރިކާގައި ވައިރަސް ޖެހިގެން މަރުވި މީހުންގެ އަދަދު 84،000ށް އެރީ ބުދަދުވަހު އެވެ.

އެގައުމުގައި ބެސްޓް ކޭސް ސިނާރިއޯ ގައިވެސް 102،783 ( އެއްލައްކަ ދެ ހާސް ހަތް ސަތޭކަ އަށްޑިހަތިން) މީހުން މަރުވާނެކަމަށް އަންދާޒާކޮށްފައި ވެއެވެ. އަދި ވާރސްޓް ކޭސް ސިނާރިއޯ ގައި ކޮވިޑް-19 ޖެހިގެން 223,489 ( ދެ ލައްކަ ތޭވީސް ހާސް ހަތަރު ސަތޭކަ އަށްޑިހަ ނުވަ) މީހުން މަރުވާނެކަމަށް މިހާރު ވަނީ އަންދާޒާކޮށްފަ އެވެ.