ޤައިދީންނަށް "ފުޅައަޅާފައިވާ" ތަކެތި ކާކަށްނުދޭ، ވީޑިއޯއަކީ ކާނާ ކުނިކޮށްގެން ނަގާފައިވާ ވީޑިއޯއެއް!
16 މެއި 2020 | ހޮނިހިރު 18:35އެ މައްސަލަ އިތުރަށް ބެލުމަށް އެޗްއާރުސީއެމްގައި އެދިފައިވާ ކަމަށް މައުލޫމާތުދޭ
މާލޭ ޖަލު: ޖަލުތަކުން ޕޮޒިޓިވް ކޭސްއެއް އަދި ފެނިފައެއް ނުވޭ
ޖަލުގައި ތިބޭ ޤައިދީންނަށް ފުޅައަޅާފައިވާ ތަކެތި ކާންދޭ ކަމުގެ ޝަކުވާ ލިބިފައިނުވާ ކަމަށް މިނިސްޓްރީ އޮފް ހޯމް އެފެއަރޒް އިން ބުނެފި އެވެ.
ހޮނިހިރު ދުވަހުގެ ރޭ ހޯމް މިނިސްޓްރީން ކޮށްފައިވާ ޓްވީޓްގައި ވަނީ ޖަލުގައި ޤައިދީންނަށް "ފުޅައަޅާފައިވާ" ތަކެތި ކާންދޭކަމަށް ބުނެ ދައުރުވަމުންދާ ވީޑިއޯއަކީ މިހާތަަނަށް ބެލިބެލުމުން އިނގޭގޮތުގައި ގޮޅިތެރޭގައި ކާއެއްޗެތި ކުނިވަންދަން ގިނަދުވަހު ފޮރުވައިގެން ނަގާފައިވާ ވީޑިއޯއެއް ކަމަށެވެ. ޤައިދީންގެ ފަރާތުން މިފަދަ ޝަކުވާއެއް ލިބިފައި ނުވާކަން މިނިސްޓަރ ފާހަގަކުރެއްވި އެވެ.
ޤައިދީންނާއި ސުވާލު ކުރުމުންވެސް މިފަދަކަމެއް ހިނގިކަމުގެ މައުލޫމާތު ލިބިފައި ނުވާ ކަމަށާއި މިފަދަ ކަމެއް ހިނގިތޯ ކަށަވަރު ކުރުމަށް ބަލަންޖެހޭ އެންމެހާ ބެލުންތައް ބެލުމަށް ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް) ގައި މިނިސްޓްރީގެ ފަރާތުން އެދިފައިވާ ކަމަށް މިނިސްޓްރީން މައުލޫމާތު ދެއެވެ.
ޖަލުގައި އެކިއެކި ހަމަނުޖެހުން ހިންގާ ނުރައްކާތެރި ކަންކަން ހިންގުމަށް ބައެއް ފަރާތްތަކުން މަސައްކަތް ކުރަމުންދާ ކަމަށް ހޯމް މިނިސްޓަރ އިމްރާން އަބްދުﷲ ވެސް ވަނީ ދާދިފަހުން ވިދާޅުވެފަ އެވެ.
