ގާލިކް ޝްރިމްޕް

ސީފުޑަކީ ދިވެހިންގެ މެދުގައި މަގުބޫލު އެއްޗެކެއެވެ. ސީފުޑްގެ އެކި ބާވަތްތައް ފިހެގެންނާއި ހިކިކޮށް ހަދައިގެން ކެއުމަށް ފޯރި ހުންނަ ބައެކެއެވެ. މިފަހަރު މިއޮތީ ސީފުޑްގެ ޝްރިމްޕް ތައްޔާރުކޮށްލާނެ ގޮތެވެ. މި ތައްޔާރުކޮށްލަން މާގިނަ ބާވަތްތަކެއް ބޭނުމެއް ނުވާނެއެވެ.

ފުރަތަމަ ތަވައެއްގެ ތެރެއަށް ތެޔޮ އަޅައިގެން ގަދަ ގިނީގައި ހޫނުކޮށްލާށެވެ. ދެން އޭގެ ތެރެއަށް ރެޑް ޕެޕަރ ފްލޭކްސް އާއި ކޮށާފައި ހުރި ލޮނުމެދު އަޅައިގެން ދޭފަތުން ހަލާށެވެ. މިގޮތަށް އެއް މިނެޓު ބެހެއްޓުމަށް ފަހު އޭގެ ތެރެއަށް ޝްރިމްޕް، ޕެޕްރިކާ އަޅައިގެ އެއްކޮށްލުމަށް ފަހު، ލޮނު، އަސޭމިރުސް އަޅައިގެން ދޭފަތުން ހަލާށެވެ. ދެން އޭގެ މައްޗަށް ލުނބޯ ޖޫސް، ޕާސްލޭ އަޅާލާށެއެވެ. ޕާސްލޭ އެޅުމުން އިތުރަށް ރަހަ މީރުކޮށްދޭނެ އެވެ.

ދެން ޝްރިމްޕްތައް ރޯފިލުމުން އުނދުން މަތިން ބާލާށެއެވެ. މިހާރު މިހިރީ ގާލިކް ޝްރިމްޕް ތައްޔާރުކޮށް ނިމިފައެވެ. ދެން ބްރެޑް އާއި ޖަހައިގެން ނުވަތަ ރޮށްޓާ ޖަހައިގެން ކާލާށެއެވެ.