ކިއާރާ އަދްވާނީގެ ނަމާއި ޕްރިޔަންކާގެ ފިލްމަކާ ގުޅުންހުރިކަން އިނގޭތަ!
14 މެއި 2020 | ބުރާސްފަތި 18:27ކިއާރާ ގެ ނަން އިންސްޕަޔާ ވީ ޕްރިޔަންކާގެ ފިލްމު "އަންޖާނާ އަންޖާނީ" އިން
ކިއާރާ އަދްވާނީ
ބޮލީވުޑްގައި ނަމަކީ ވަރަށް މުހިއްމު އެއްޗެކެވެ. އެންމެނަށް ވެސް އެއީ ކާކުކަން ދެނެގަނެވެނީ ނަމުންނެވެ. ދެ މީހަކަށް އެއް ނަމެއް ކިޔަންޏާ އޮޅުން އަރަ އެވެ.
2019 ވަނަ އަހަރު ކަބީރް ސިންގް ޕްރޮމޯޓް ކުރަމުން ދިން އިންޓަވިއު އެއްގައި ކިއާރާ އަދްވާނީ ބުނީ "އަންޖާނާ އަންޖާނީ" ފިލްމުގައި ޕްރިޔަންކާ އަށް ކިޔާ ނަން އޭނާ އަށް ވަރަށް ކަމުދާ ކަމަށެވެ. އެހެންކަމުން ފުރަތަމަ ބޭނުންވީ އޭނާ އަށް ލިބޭ ދަރިއަކަށް ކިއާރާ ކިޔަން ކަމަށާއި ނަމަވެސް އޭގެ ކުރިން އޭނާގެ ނަން ބަދަލު ކުރަން ބޭނުންވެފައި ހުރުމުން އެނަން އޭނާއަށް ބަދަލުކުރީކަމަށެވެ. ކިއާރާ ނަން ބަދަލުކުރީ 2014 ވަނަ އަހަރުގައެވެ.
ބޮލީވުޑަށް ނިކުތުމުގެ ކުރިން ކިއާރާގެ ނަމަކީ އާލިއާ އަދްވާނީ އެވެ. މިކަމާ ބެހޭގޮތުން ވާހަކަ ދައްކަމުން ކިއާރާ ބުނީ ނަން ބަދަލު ކުރީ އާލިއާ ބަޓު ގެ ނަމާ އެއްގޮތްވުމުން އޮޅުން އަރާނެތީ އެވެ. އެހެންކަމުން އޯޑިއެންސަށް އާލިއާ ފަދަ ސުޕަސްޓާރަކާ އޭނައާއި އޮޅެންބޭނުން ނުވީކަމަށެވެ.
ޙަބަރުތައް ބުނާގޮތުން ކިއާރާ ދެން ފެނިގެންދާނީ ފިލްމު "ޝޭރްޝާހް" އިން ސިދާތް މަލޯތްރާ އާއެކުގަ އެވެ.
