ނަޓެއްލާ އޯރިއޯ ޓްރަފްލްސް

އޯރިއޯ އަދި ނަޓެއްލާ، މިއީ ގިނަ ބައެއްގެ ފެވަރިޓްސްއެވެ. މި ދެބާވަތް ބޭނުންކޮށްގެން ތައްޔާރު މި ރެސިޕީ އަކީ ވަރަށް ފަސޭހައިން ތައްޔާރު ކޮށްލެވޭނެ ޑިޒަރޓެކެވެ.

އެންމެ ފުރަތަމަ ނަޓްކޮޅު ހިމުންކޮށް މުގުރާލާށެވެ. ދެން ބިސްކޯދުތައް ވަކިން ބްލެންޑަރެއްގައި ހިމުން ކޮށްލާށެވެ. ބޮޑެތި ބިސްކޯދުކޮޅު ކޮޅު ހުރިނަމަ، އެ ހިމުން ވަންދެން ބްލެންޑް ކުރާށެވެ.

ދެން ހިމުންކުރި ބިސްކޯދާއި، ކްރީމް ޗީޒް އަދި ނަޓެއްލާ އެއްކޮށްލާ، ނަޓްސް ކޮޅު އަޅާފައި ރަނގަޅަށް އެއްކޮށްލާށެވެ. މި މިކްސްޗަރު 15 މިނެޓް ވަންދެން ގަނޑުކުރާ ބައިގައި ފިނިކޮށްލާށެވެ.

އެއަށް ފަހު ފުރިޖުން ނަގައި، އޭގެން ގުޅަ ވަށާފައި ދިޔާކޮށްފައި ހުރި ޗޮކުލެޓު ތަށި ތެރެޔަށްލާފައި ރަނގަޅަށް ކޯޓުކޮށްލާށެވެ.

ގުޅަތައް ރަނގަޅަށް ޗޮކުލެޓުން ނިވާވުމުން ޓްރޭއެއްގައި އަތުރާފައި އަނެއްކާ ފިނިކުރަން ލާށެވެ. ޗޮކްލެޓް ކޯޓިން ހަރުވުމުން ބޭނުމިއްޔާ ގުޅަތަކުގެ މައްޗަށް ނަޓެއްލާ ނުވަތަ ވައިޓް ޗޮކްލެޓް ޑްރިޒަލް ކޮށްލެވޭނެއެވެ.