ރިހާކުރު ހުނި ބިސްގަނޑު

ބިސްގަނޑުގެ އެކި ވައްތަރު ހުރެއެވެ. ދިވެހިންގެ ތެރޭގައި އެންމެ މަގުބޫލު އެއް ވައްތަރަކީ ޗީޒް ބިސްގަނޑެއެވެ. ދެން މުރަނގަ ފަތް އަޅައިގެން އަޅާ ބިސްގަނޑެއެވެ. ނަމަވެސް މި ބިސްގަނޑުގެ ތަފާތަކީ، ހުންޏާއި ރިހާކުރު އެޅުމެއެވެ. މިއީ ވަރަށް މަދުން ނޫނީ ދިވެހިން ކައި ނޫޅޭ ވައްތަރެއްގެ ބިސްގަނޑެކެއެވެ.

ބޯތައްޓެއްގެ ތެރޭގައި ބިސް ރަނގަޅަށް ގިރާލާށެވެ. ދެން އޭގެ ތެރެއަށް ހުނި، ރިހާކުރު، މިރުސް، ފިޔާ، ކުޑަ ލޮނު ކޮޅެއް، އަސޭމިރުސް އަޅައިގެން ގިރާލާށެއެވެ. ދެން ތަވައަކަށް ތެޔޮފޮދެއް ހޭކުމަށްފަހު، ބިސްގަނޑު އަޅާލާށެއެވެ.