ފުރަބަންދުގައި ތިބޭ އިރު "މެންގޯ އައިސް-ކްރީމް" ތައްޔާރުކޮށްލަމާ!

ގޭގައި އައިސް-ކްރީމް ތައްޔާރުކޮށްލުމަކީ މިހާރު މާ އުނދަގޫ ކަމެއް ނޫނެވެ. ފަސޭހައިން ބާޒާރުން ލިބެން ހުންނަ ނުވަތަ ޢާންމުކޮށް ގޭގައި ކައްކަން ބޭނުން ކުރާ ބައެއް ބާވަތްތައް ބޭނުންކޮށްގެން އައިސް-ކްރީމް ހެދިދާނެއެވެ. މިފަަހަރު "މެންގޯ އައިސް-ކްރީމް" ތަޖުރިބާ ކޮށްލަން ރަނގަޅުވާނެ އެވެ.

އެހެން ރޯދަ މަހު އަނބު ތިޔާގި ނަމަވެސް މި އަހަރު އަނބު އެހާ ފަސޭހައިން ނުލިބެއެވެ. ދިވެހި އަނބު ނުލިބިއްޖެނަމަ،

މިފަހަރު ބޭރު އަނބު ބޭނުންކޮށްގެން 'މެންގޯ އައިސް-ކްރީމް' ތައްޔަރުކޮށްލާށެވެ.

ޖޯޑެއްގެ ތެރެއަށް ކޯންފްލަރ އާއި 1 ޖޯޑު ކިރު އަޅައިގެން ގިރާލާށެވެ. ދެން ތެއްޔަށް 3 ޖޯޑުގެ ކިރުއަޅައިގެން މެދު މިނެއްގައި ކައްކާލާށެއެވެ. ކައްކާއިރު ހުއްޓާނުލާ ގުޅަ ނުވާހެން ހަލަމުން ދާށެއެވެ. ދެން އޭގެ ތެރެއަށް ހަކުރު އަޅައިގެން ހަލާށެއެވެ.

އެއަށްފަހު ކުރިން ގިރި ކޯންފްލަރ ޖޯޑު އޭގެ ތެރެއަށް އަޅާލާށެއެވެ. މިގޮތަށް އޮލަ ވަންދެން 7 މިނިޓް ކައްކާލުމަށް ފަހު ހިހޫ ކޮށްލާށެއެވެ. އަނބާ އެއްކޮށް މިކްސަރަށް އެޅުމަށްފަހު ގިރާލާށެއެވެ. ގިރާނިމުމުން ކޮންޓެއިނާއަކަށް އެޅުމަށް ފަހު، 2 ގަޑިއިރު ފިނިކޮށްލާށެއެވެ. 2 ގަޑިއިރުވުމުން އަނެއްކާވެސް މިކްސަރަށް އެޅުމަށްފަހު 30 ސިކުންތު ވަންދެން ގިރާލާށެއެވެ. އޭރުން ހުންނާނީ އޮމާންކޮށް ކްރީމީކޮށްނެއެވެ.

ދެން އަނެއްކާވެސް ކޮންޓެއިނާ އަށް އެޅުމަށް ފަހު، މަތި ރެޕްކޮށްލާށެއެވެ. ރެޕްކުރުމަށް ފަހު މަތިޖަހާފައި، 8 ގަޑިއިރަށް ގަނޑުކުރާ ބަޔަށް ލާށެއެވެ.