ކޮވިޑް-19އަށް ފަރުވާދެމުންދިޔަ ބިދޭސީއަކު ވެންޓިލޭޓަރަށް ލައިފި
10 މެއި 2020 | އާދީއްތަ 17:26ވެންޓިލޭޓަރަށް ލާފައިވަނީ ބިދޭސީއެއް
އޭނާއަށް ފަރުވާދެމުން އަންނަނީ ޓްރީޓޮޕް ހޮސްޕިޓަލުގައި
އިތުރު މީހަކަށް ވެންޓިލޭޓަރުގައި ފަރުވާދެމުންދާކަމަށް ނޭޝަނަލް އިމަރޖެންސީ އޮޕަރޭޝަން ސެންޓަރުން ހާމަކޮށްފިއެވެ.
އާދީއްތަ ދުވަހުގެ ރޭ ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ)ން ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން ޑރ. އަފްޒަލް ވިދާޅުވީ ޓްރީޓޮޕް ހޮސްޕިޓަލުގައި އެކަކަށް ވެންޓިލޭޓަރުގައި ފަރުވާދެމުންދާ ކަމަށެވެ. އޭނާއަކީ ބިދޭސީއެއް ކަމަށް ވިދާޅުވީ ނަމަވެސް، އެއީ ކޮން ގައުމަކަށް ނިސްބަތްވާ ފަރާތެއްކަން މިހާތަނަށް ހާމަކޮށްފައެއް ނުވެއެވެ.
ޑރ އަފްޒަލް މިހެން ވިދާޅުވެފައިވާއިރު ދަރުމަވަންތަ ހޮސްޕިޓަލުގައި ފަރުވާދެމުންދަނީ މިވަގުތު ތިން މީހަކަށެވެ. އޭގެތެރެއިން ވެންޓިލޭޓަރުގައި ދެ މީހަކަށް ފަރުވާދެމުންދާ ކަމަށް ޑރ. އަފްޒަލް ފާހަގަކުރެއްވިއެވެ.
ދަރުމަވަންތަ ހޮސްޕިޓަލުގެ އިތުރުން، ބަލި މީހުންނަށް ފަރުވާދޭން މިވަގުތު ބޭނުންކުރަމުން އަންނަނީ ހުޅުމާލޭގައި ހުންނަ ޓްރީ ޓޮޕް ހޮސްޕިޓަލެވެ. ސަރުކާރާއެކު ވެފައިވާ އެއްބަސްވުމެއްގެ ދަށުން، ކޮވިޑް-19 އަށް ފަރުވާދޭ ނެޝަނަލް ސެންޓަރުގެ ގޮތުގައި ޓްރީޓޮޕް ހޮސްޕިޓަލް ވަނީ ހަމަޖައްސާފައެވެ.
