ޕޮޓޭޓޯ ޕޭން ކޭކް

އަލުވި ބޭނުންކޮށްގެން ތަފާތު އެކި ބާވަތު ކާއެއްޗެހި ތައްޔާރުކުރެއެވެ. ޕޮޓޭޓޯ ޕޭންކޭކަކީ ވެސް މިގޮތަށް ގޭގައި ޓްރައިކޮށްލެވިދާނެ އެއްޗެކެވެ

ސޯޔާ ސޯސް، ލުނބޯ، ފިޔާ، ގްރީން އޮނިއަން، މިރުސް، ހަކުރު އެޅުމަށްފަހު ސަމުސަލުން ރަނގަޅަށް އެއްކޮށްލާށެވެ. ދެން މަތިޖަހާފައި އެއްފަރާތުގައި ބަހައްޓާށެއެވެ.

ފުރަތަމަ އަލުވީގެ ތޮށިގަނޑު މަށާލުމަށްފަހު ހޫނު ފެން އެއްޗެއްގެ ތެރޭގައި ބަހައްޓާށެވެ. އިރުކޮޅަކު ބެހެއްޓުމަށްފަހު، ގާނާލާށެވެ. ދެން ބޯތައްޓަކަށް އެޅުމަށްފަހު އޭގެ ތެރެއަށް ހުދު ފިޔައެއްގެ އެއް ފަޅި ގާނާލުމަށްފަހު، ކޯން ފްލަރ އާއި ރަހަލާވަރަށް ލޮނު އެޅުމަށްފަހު އެއްކޮށްލާށެވެ. ދެން ތަވައަކަށް 3 ސަމުސާ ތެޔޮ އެޅުމަށްފަހު، ބިސްގަނޑު ފިހޭހެން ދެ ފުށް ރަނގަޅަށް ފިހެލާށެވެ. ފިހެ ނިމުމުން ޕިއްޒާ ހުންނަހެން ފޮތި ކަފާލާށެވެ. ދެން ކުރިން ތައްޔާރުކުރި ސޯސް އޭގެ މައްޗަށް އަޅައިގެން ކާލާށެވެ.