މިއީ ގޭގައި ހުރި އެއްޗެހިން ތައްޔާރުކޮށްލެވޭނެ ފަސޭހް ޑިޝްއެކެވެ.

ފުށްގަނޑު ހަދަން ބޭނުންވާ ތަކެތި އެއްކޮށްލާފައި މޮޑެލާށެވެ. ފުއްގަނޑު 1 ގަޑިއިރު ވަންދެން ރެސްޓްކުރާށެވެ.

ފިލިންގް ހަދަން ފިޔާ، މިރުސް، ކެޕްސިކަމް، ލޮނުމެދު އަދި ބޮޑުމިރުސް ކޮޅު ހިމުންކޮށް ކޮށާލާށެވެ. ފިޔާކޮޅު ވަޅޯކޮށްލާށެވެ، އެއަށްފަހު ދެން ހުރި ތަރުކާރީކޮޅު އަޅާށެވެ. ތަރުކާރީކޮޅު މީރުވުމުން ލޮނު، އަސޭމިރުސް އަދި ތެޅި މިރުސް އެއްކޮށްލާ، ޓޮމާޓޯ ޕޭސްޓް އަޅާފައި ހާވާލާށެވެ. ވަކިން ތެއްޔެއްގައި ކުކުޅުކޮޅު ކިއުބްކޮށް ކޮށާލާފައި ތެލުލާށެވެ. ދެން ސޯސްގަނޑާއެއްކޮށްލާށެވެ.

ފުއްގަނޑުން އެއްވަރުގެ ގުޅަ ވަށާށެވެ. އަދި ގުޅައިގެ އެތެރެއަށް ކުކުޅުމަސްކޮޅުއަޅާފައި ބައްދާލާށެވެ. ކޮންމެ ފުއްގުޅައެއްގެ މައްޗަށް ޗީޒް ކޮޅެއް އަޅާލާށެވެ.

ގުޅަތައް ޓްރޭއެއްގައި އެތުރުމަށްފަހު 180 ޑިގްރީ ސެލްސިއަސްގައި، 20-30 މިނެޓް ވަންދެން ފިހެލާށެވެ.