ހުކުރު 29 މެއި 2020
10 ރޯނު
1441 ޝައްވާލް 06
ފަތިސް 04:34
އިރުއަރާ 05:51
މެންދުރު 12:07
އަސްރު 15:30
އިރުއޮއްސޭ 18:15
އިޝާ 19:33
ފިއޮރެންޓީނާގެ ކުޅުންތެރިން ޕޮޒިޓިވްވުން

ފިއޮރެންޓީނާގެ ތިން ކުޅުންތެރިއަކު ކޮރޯނާވައިރަހަށް ޕޮޒިޓިވްވެއްޖެ

  • ތިން ކުޅުންތެރިންގެ އިތުރަށް ޓެކްނިކަލް ސްޓާފުންގެ ތެރެއިން ތިން މީހަކު ވަނީ ކޮވިޑް-19 އަށް ޕޮޒިޓިވްވެފައި
  • މީގެ ކުރިން އެ ކްލަބުގެ ފޯވާޑް ޕެޓްރިކް ކުޓްރޯން، ފޯވާޑް ޑޫޝަން ވްލާހޮވިޗް އަދި ޑިފެންޑަރު ޖާމަން ޕެޒެއްލާ އަށް ވަނީ ކޮވިޑް-19 ޖެހިފައި

ކ. މާލެ | 8 މެއި 2020 | ހުކުރު 00:38 | 2,319

މީގެ ކުރިން ކޮވިޑް-19 އަށް ޕޮޒިޓިވްވި ފިއޮރެންޓީނާގެ ފޯވާޑް ޕެޓްރިކް ކުޓްރޯން އާއި ޑިފެންޑަރު ޖާމަން ޕެޒެއްލާ - ގެޓީ އިމޭޖާސް

ފިއޮރެންޓީނާގެ ތިން ކުޅުންތެރިއަކު ކޮރޯނާވައިރަސް (ކޮވިޑް-19) އަށް ޕޮޒިޓިވްވެއްޖެ އެވެ.

އިޓާލިއަން ލީގު އަލުން ފަށަން މަސައްކަތް ކުރަމުން އަންނައިރު، އިޓާލިއަން ލީގުގެ ކްލަބުތަކުން އަންނަނީ ހުރިހާ ކުޅުންތެރިން ކޮވިޑް-19 އަށް ޓެސްޓު ކުރަމުންނެވެ. އެގޮތުން ބުރާސްފަތި ދުވަހު ފިއޮރެންޓީނާގެ ކުޅުންތެރިން މި ވައިރަހަށް ޓެސްޓު ކުރިއިރު، ތިން ކުޅުންތެރިއަކު ވަނީ ކޮވިޑް-19 އަށް ޕޮޒިޓިވްވެފައެވެ. އަދި އެ ތިން ކުޅުންތެރިންގެ އިތުރުން އެ ކްލަބުގެ ޓެކްނިކަލް ސްޓާފުންގެ ތެރެއިން ތިން މީހަކުވެސް ވަނީ ކޮވިޑް-19 އަށް ޕޮޒިޓިވްވެފައެވެ.

ފިއޮރެންޓީނާ އިން ނެރުނު ބަޔާނެއްގައި ބުނެފައިވަނީ ކޮވިޑް-19 އަށް ޕޮޒިޓިވްވި އެންމެ މިހާރު އައިސޮލޭޝަނަށް ބަދަލުކޮށްފައިވާ ކަމަށެވެ. އަދި ކުރިއަށް އޮތް ހަފުތާގައި ބާކީ ތިބި ކުޅުންތެރިން އެކަނި ތަމްރީނުތަކަށް ނުކުންނާނެ ކަމަށްވެސް އެ ކްލަބުން ވަނީ ބުނެފައެވެ.

ފިއޮރެންޓީނާގެ ތިން ކުޅުންތެރިއަކު ބުރާސްފަތި ދުވަހު ކޮވިޑް-19 އަށް ޕޮޒިޓިވްވިއިރު، މީގެ ކުރިން މާޗު މަހުގެ ތެރޭގައި އެ ކްލަބުގެ ފޯވަރޑް ޕެޓްރިކް ކުޓްރޯން އާއި ފޯވަރޑް ޑޫޝަން ވްލާހޮވިޗްގެ އިތުރުން ޑިފެންޑަރު ޖާމަން ޕެޒެއްލާ ވަނީ މި ވައިރަހަށް ޕޮޒިޓިވްވެފައެވެ.

އިޓާލިއަން ލީގުގެ ކްލަބުތަކުގެ ކުޅުންތެރިން ކޮވިޑް-19 އަށް ޓެސްޓު ކުރަމުން އަންނައިރު، ބުދަ ދުވަހު ޓޮރީނޯގެ ކުޅުންތެރިއަކުވެސް ވަނީ މި ވައިރަހަށް ޕޮޒިޓިވްވެފައެވެ.

އިޓާލިއަން ލީގު އަލުން ފަށަން ތައްޔާރުވަމުން އަންނައިރު، މީގެ ކުރިން ކުޅުންތެރިން އެކަނި ތަމްރީނު ކުރުމުގެ ހުއްދަ އިޓަލީގެ ސަރުކާރުން ވަނީ ދީފައެވެ. އަދި މި މަހުގެ 18 ވަނަ ދުވަހުން ފެށިގެން ކްލަބުތަކަށް އެކީ ތަމްރީނުތައް ހެދުމުގެ ފުރުސަތު ލިބޭނެ ކަން ވަނީ ހާމަކޮށްފައެވެ.

ރިޕޯޓުތައް ބުނާ ގޮތުން މި މަހުގެ 27 އާއި ޖޫން މަހުގެ 2 އާ ދެމެދު އިޓާލިއަން ލީގުގެ ކުޅުން އަލުން ފަށަން އަންނަނީ މަސައްކަތް ކުރަމުންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން | ރިވިއު ކުރީ: ޒިހްނަތު ހަސަން

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.