ރާއްޖެއިން އިތުރު 44 މީހުން ޕޮޒިޓިވްވެ ޖުމްލަ އަދަދު 618 އަށް
ބަންގްލަދޭޝްގެ 34 މީހުންނާއި އިންޑިޔާގެ ދެ މީހުން އަދި ރާއްޖޭގެ 8 މީހުން ޕޮޒިޓިވްވެފައިވޭ
މާލޭގައި ރޭންޑަމް ސާމްޕަލް ނެގުމުގެ މަސައްކަތްކުރަނީ
ރާއްޖެއިން އިތުރު 44 މީހަކު ކޮވިޑް-19 އަށް ޕޮޒިޓިވްވެ ޖުމްލަ އަދަދު 618 އަށް އަރައިފި އެވެ.
ހެލްތު ޕްރޮޓެކްޝަން އެޖެންސީން ކޮށްފައިވާ ޓްވީޓެއްގައި ބުނެފައިވަނީ ބަންގްލަދޭޝްގެ 34 މީހުންނާއި އިންޑިޔާގެ ދެ މީހުން އަދި ރާއްޖޭގެ 8 މީހުން ޕޮޒިޓިވްވެފައިވާ ކަމަށެވެ. އެއާއެކު ބުދަ ދުވަހު ކޮވިޑް-19 އަށް ޕޮޒިޓިވްވި މީހުންގެ ޖުމްލަ އަދަދު ވަނީ 45 ށް އަރާފަ އެވެ.
ޕޮޒިޓިވްވި 44 މީހުންގެ ތެރޭގައި ޚާއްސަ ސަމާލުކަމެއްދީގެން ބަލަމުންދާ ތަންތަނުގެ މީހުން ހިމެނޭކަމަށް އެޗްޕީއޭއިން ބުނެއެވެ.
މިއާއެކު ރާއްޖެއިން ކޮވިޑް-19 އަށް ޕޮޒިޓިވްވި ދިވެހިންގެ އަދަދު ވަނީ 213 ށް އަރާފަ އެވެ. ބަންގްލަދޭޝް މީހުންގެ އަދަދު ވަނީ 325 ށް އަރާފަ އެވެ. އިންޑިޔާ މީހުންގެ އަދަދު މިވަނީ 54 ށް އަރާފަ އެވެ.
