ރާއްޖެއިން އިތުރު 5 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

ހޮނިހިރު ދުވަހު ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ކުރި ޓްވީޓެއްގައި ބުނީ، ހޮނިހިރު ދުވަހު އިތުރު 5 މީހަކު ރާއްޖެއިން ޕޮޒިޓިވްވެފައިވާ ކަމަށާއި، އޭގެ ތެރޭގައި ހިމެނެނީ 4 ދިވެހިންނާއި ލަންކާ ރައްޔިތެއް ކަމަށެވެ.

އެއާއެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ޖުމުލަ އަދަދު ވަނީ 519ށް އަރާފައެވެ.

ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު 500ށް ވުރެ އިތުރުވެފައިވާއިރު، އޭގެ ތެރޭގައި ދިވެހިންނާއި، ބަނގްލަދޭޝް ރައްޔިތުން ގިނަ އަދަދަކަށް ހިމެނެއެވެ.

އޭގެ އިތުރުން، އިންޑިއާ، ނޭޕާލް ޕާކިސްތާނު އަދި ސްރީލަންކާ ރައްޔިތުންވެސް ރާއްޖެއިން ޕޮޒިޓިވްވި މީހުންގެ ތެރޭގައި ހިމެނެއެވެ.