މިލަދޫން ފުރައިގެން ދިޔަ 4 މީހަކު ހައްޔަރުކޮށްފި
29 އެޕްރީލު 2020 | ބުދަ 14:11ޓާސްކްފޯސްގެ ހުއްދަ ހޯދާފައެއް ނުވޭ
ނ. މިލަދޫ ވަނީ މޮނިޓަރިންގގެ ޙާލަތަށް ގެނެސްފައި
ނ. މިލަދޫން ފުރައިގެން ދިޔަ 04 މީހަކު ފުލުހުން ހައްޔަރުކޮށްފި އެވެ.
ފުލުހުން ބުނީ ހެލްތު ޕްރޮޓެކްޝަން އެޖެންސީ (އެޗްޕީއޭ)އިން މޮނިޓަރިންގގެ ޙާލަތަށް ގެނެސްފައިވާ މިލަދޫން ފުރަން މަނާކޮށްފައިވަނިކޮށް، ޓާސްކްފޯސް އަދި ފުލުުހުންނަށް ވެސް ސިއްރުން މިލަދޫން 04 މީހަކު ފުރައިގެންދިޔަ ކަމަށެވެ.
ފުލުހުން ބުނީ ފުރައިގެން ދިޔަ އުމުރުން 23 އަހަރު، 30 އަހަރު، 36 އަހަރު، އަދި 38 އަހަރުގެ 4 ދިވެހި ފިރިހެނުން، ބުދަ ދުވަހުގެ 15:58 ހާއިރު ފުލުހުން ހައްޔަރު ކޮށްފައިވާ ކަމަށެވެ.
މިހަތަރު މީހުން ހައްޔަރު ކޮށްފައިވަނީ އަނބުރާ މިލަދުއަށް އައިސް ފަޅަށް ވަތް ތަނުން ކަމަށް ފުލުހުން ބުނެއެވެ.
މިމައްސަލަ ފުލުހުން ދަނީ ތަޙުޤީޤު ކުރަމުންނެވެ.
ކޮވިޑް-19ގެ ބިރުވެރިކަން ބޮޑުވެފައިވާ މިދަނޑިވަޅުގައި އެއްރަށުން އަނެއްރަށަށް ދަތުރުކުރުން ވަނީ މަނާކޮށްފައެވެ. އެގޮތުން މިހާތަނަށް މިއުޞޫލާ ޚިލާފުވި އެކި ރަށްރަށުން ބައެއް މީހުން ހައްޔަރުކޮށްފައިވެއެވެ.
