ހއ އަތޮޅުން ފެށިގެން މާލެ ސިޓީއަށް ވައިޓް އެލަރޓް ނެރެފި
މެންދަމު 1 ން ފެށިގެން 6 ޖެހުމާ ހަމައަށް ބޯކޮށް ވާރޭވެހުމާއެކު ގުގުރާނެ
މާލެ ސިޓީގައި ފެންބޮޑުވެފައި
ހއ އަތޮޅުން ފެށިގެން މާލެ ސިޓީއަށް ވައިޓް އެލަރޓް ނެރެފި އެވެ.
މޫސުމާ ބެހޭ ގައުމީ އިދާރާއިން ބުނީ މެންދަމު 1 ން ފެށިގެން 6 ޖެހުމާ ހަމައަށް މިސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށެވެ. މީގެއިތުރުން މެޓް އޮފީހުން ބުނެފައިވަނީ ރާއްޖޭގެ އެކިހިސާބަށް ގުގުރުމާއެކު ވިއްސާރަކުރާނެ ކަމަށާއި އަދި ބައެއް ރަށްތަކަށް ބޯކޮށް ވާރޭވެހުން އެކަށީގެންވާ ކަމަށެވެ.
އުތުރުގެ އަތޮޅުތަކަށް ހުޅަނގުއުތުރާއި އުތުރުން، އެހެން ހިސާބުތަކަށް ހުޅަނގުދެކުނާއި ހުޅަނގުން ގަޑިއަކު 7 މޭލާއި 17 މޭލާ ދެމެދުގެ ބާރުމިނުގައި ވައި ޖެހޭނެ ކަމަށް މެޓް އޮފީހުން ބުނެއެވެ. އަދި ވިލާގަނޑުގައި ގަޑިއަކު ގާތްގަނޑަކަށް 40 މޭލަށް ވައި ގަދަވުން އެކަށީގެންވާ ކަމަށް މެޓް އޮފީހުން ބުނެއެވެ. އަދި ކަނޑުތައް އާދައިގެ ވަރަކަށް ގަދަވެފަ ވިލާގަނޑުގައި ގަދަ ވާނެކަމަށްވެސް މެޓް އޮފީހުން ބުނެއެވެ.
މިދުވަސްވަރަކީ ވިއްސާރަ ދުވަސްވަރަކަށް ވެފައި ޑެންގީ އާއި އިންފްލެޔަންޒާ ރޯގާ އުޅޭ ދުވަސްވަރަކަށް ވާތީ އެކަމަށް ސަމާލުވުމަށް ހެލްތު ޕްރޮޓެކްޝަން އެެޖެންސީން ވަނީ އިލްތިމާސްކޮށްފަ އެވެ. ވަކިން ޚާއްސަކޮށް ކޮވިޑް-19 ފެތުރޭތީ ގޭތެރޭގައި ގިނަ ބަޔަކު ތިބެންޖެހިފައިވާއިރު މަދިރި އާލާވާ ގޮތަށް ހުންނަ ތަންތަން އަމިއްލަ ފަރުދީ ހައިސިއްޔަތުން ނައްތާލުމަށް މަސައްކަތްކުރުމަށް އެޗްޕީއޭއިން ވަނީ އިލްތިމާސް ކޮށްފަ އެވެ.
