އިތުރު ހަ ރަށެއް މޮނިޓަރިންގެ ހާލަތަށް ގެންގޮސްފައިވާ ކަމަށް ނެޝަނަލް އެމެޖެންސީ އޮޕަރޭޝަން ސެންޓަރ (އެންއީއޯސީ) އިން ބުނެފިއެވެ.

އެ ރަށްތަކަކީ، ބ. ކެންދޫ, ކ. މާފުށި، ހދ. ކުމުންދޫ، ހދ. ހިރިމަރަދޫ، ށ. ގޮއިދޫގެ އިތުރުން ށ. ޅައިމަގު އެވެ.

މާލެއިން ކޮވިޑް-19 ގެ ކޭސްތަކެއް ފެނުމާއި ގުޅިގެން ކޮންޓެކްޓް ޓްރޭސިންގެ ތެރެއިން ފާހަގަކުރެވިފައިވާ ބައެއް ރަށްތަކުގެ އިތުރުން ގެތަކެއް ވަނީ މޮނިޓަރިންގެ ހާލަތަށް ގެންގޮސްފައިވާ ކަމަށެވެ. އެގޮތުން 20 އަށްވުރެ ގިނަ ރަށްތަކެއް އޮތީ މިހާރު މޮނިޓަރިންގެ ހާލަތުގައެވެ. އަދި އޭގެ އިތުރުން މާލެ އަށް ދަތުރުކުރާ ބައެއް ބޯޓުތައްވެސް އޮތީ މިހާރު މޮނިޓަރިންގެ ހާލަތުގައެވެ.

ރާއްޖެއިން މިހާތަނަށް ކޮވިޑް-19 އަށް 226 މީހަކު ވަނީ ޕޮޒިޓިވްވެފައެވެ. ބަލި ޖެހުނު އެންމެންގެ ހާލުވެސް ރަނގަޅެވެ.