މެއި މަހުގެ އެއްވަނަ ދުވަހު އިންޑޮނޭޝިއާއިން އަންނަ ފްލައިޓްގައި ބައެއް ދިވެހިން ގެނެވޭނެ: އަލީ ވަހީދު
27 އެޕްރީލު 2020 | ހޯމަ 12:2150ށް ވުރެ ގިނަ ގައުމުތަކަށް ނިސްބަތްވާ ފަތުރުވެރިން ރާއްޖޭގައި އެބަތިބި
މީގެ ކުރިން ރާއްޖެއަށް ގެނެވުނު ދިވެހިން
އަންނަ މަހު އެއްވަނަ ދުވަހު އިންޑޮނޭޝިއާއިން އަންނަ ގަރޫޓާ ފްލައިޓްގައި ހާލުޖެހިފައި ތިބި ބައެއް ދިވެހިން ގެނެވޭނެ ކަމަށް ޓޫރިޒަމް މިނިސްޓަރު އަލީ ވަހީދު ވިދާޅުވެއްޖެއެވެ.
ހޯމަ ދުވަހު ނޭޝަނަލް އިމަރޖެންސީ އޮޕަރޭޝަންސް ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރު އަލީ ވަހީދު ވިދާޅުވީ، ދުނިޔޭގެ 50ށް ވުރެ ގިނަ ގައުމުތަކަށް ނިސްބަތްވާ ފަތުރުވެރިން ރާއްޖޭގައި އެބަތިބި ކަމަށާއި، ފޮރިން މިނިސްޓްރީއާއި ޓޫރިސްޓް ފުލުހުންނާއި ގުޅިގެން އެ ފަރާތްތަކުގެ ކަންކަން ގާތުން ބަލަމުންދާ ކަމަށެވެ. އަދި މި ފަތުރުވެރިން ބަލާ އަންނަ ފްލައިޓުތަކުގައި ރާއްޖެއަށް ނާދެވިފައި ތިބި ދިވެހިން ގެނައުމުގެ މަސައްކަތް ކުރަމުންދާ ކަމަށް މިނިސްޓަރު ވިދާޅުވިއެވެ.
މިނިސްޓަރު އަލީ ވަހީދު ވިދާޅުވީ ރާއްޖެއިން ބޭރުގައި ތިބި ދިވެހިން ގެނައުމުގެ މަސައްކަތްތައް ކުރަމުންދާއިރު، ކަރަންޓީން ފެސިލިޓީތައް އެންމެ ރަނގަޅު ގޮތުގައި މެނޭޖްކުރުމުގެ މަސައްކަތްތައް ކުރިއަށްދާ ކަމަށެވެ.
ކޮވިޑް-19އާ ގުޅިގެން ރާއްޖެއިން ބޭރުގައި ތިބި ގިނަ އަދަދެއްގެ ދިވެހިން ހާލުގައި ޖެހުނެވެ. އަދި ސަރުކާރުން ރާއްޖެއަށް އަންނަން ބޭނުންވާ ދިވެހިން ގެނައުމުގެ މަސައްކަތް ކުރަމުންދާއިރު، މީގެ ތެރޭގައި ރާއްޖެއިން ބޭރުން ސިއްހީ ފަރުވާ ހޯދަމުންދާ މީހުން ވެސް ހިމެނެއެވެ.
އެގޮތުން ގައުމީ އެއަރލައިން މޯލްޑިވިއަންގެ ޚާއްސަ ފްލައިޓްތައް ބާއްވައިގެން އިންޑިއާ، ސްރީލަންކާ، މެލޭޝިޔާ، ގައި ތިބި ބައެއް ދިވެހިން ގެނެސްފައިވެއެވެ.
