ދިގު މުއްދަތަކަށް ޔުނައިޓެޑުގައި މަޑުކުރަން ބޭނުން: ޑެހެއާ

ދިގު މުއްދަތަކައް މެންޗެސްޓަރ ޔުނައިޓެޑުގަ މަޑުކުރަން ބޭނުންވާ ކަމަށް ސްޕެއިންގެ ގޯލުކީޕަރު ޑޭވިޑް ޑެހެއާ ބުނެފިއެވެ.

އެތުލެޓިކޯ މެޑްރިޑް ދޫކޮށް 2011 ވަނަ އަހަރު ޔުނައިޓެޑަށް ބަދަލުވި ޑެހެއާވަނީ އެކުލަބުގައި 10 އަހަރު ހޭދަކޮށްފައެވެ. މި މުއްދަތުގައި އޭނާވަނީ ޔުނައިޓެޑްގައި މޮޅު ކުޅުމެއް ދައްކާފައެވެ.

ދާދި ފަހުން ދިން އިންޓަވިއުއެއްގައި ޑެހެއާ ބުނީ އޭނާ ބޭނުންވަނީ ދިގު މުއްދަތަކައް ޔުނައިޓެޑުގައި މަޑުކޮށް، އެކުލަބާއެކު ގިނަ ކާމިޔާބީތަކެއް ހޯދުމަށްކަމަށެވެ. ކުލަބު ދޫކޮށް ދިޔުމުގެ ވިސްނުމެއް ނެތްކަމަށާއި، ޔުނައިޓެޑުގައި 10 އަހަރު ހޭދަކުރުމަކީ ހުވަފެނެއް ހަޤީޤަތަަކަށްވުން ކަމަށްވެސް އޭނާ ވަނީ ބުނެފައެވެ.

ޔުނައިޓެޑް ދޫކޮށް ދިޔުމުގެ ވިސްނުމެއް ނެތްކަމަށް ޑެހެއާ ބުނިއިރު، އޭނާ ހޯދުމަށް ރެއާލް މެޑްރިޑުން މީގެ ކުރިންވެސް ވަނީ މަސައްކަތް ކޮށްފައެވެ.

މިދިޔަ އަހަރުގެ ސެޕްޓެންބަރު މަހު އުމުރުން 28 އަހަރުގެ ޑެހެއާ ވަނީ ޔުނައިޓެޑާއެކު ހަދާފައިވާ އެއްބަސްވުން 2023 ވަނަ އަހަރުގެ ނިޔަލަށް އާކޮށްފައެވެ. އަދި މި އެއްބަސްވުމުގެ ދަށުން 2024 ގެ ނިޔަލަށްވެސް ކުލަބުގައި މަޑުކުރުމުގެ އިޚުތިޔާރު އޭނާއަށް ވަނީ ލިބިފައެވެ.

ޔުނައިޓެޑަށް މިހާތަނަށް 304 މެޗު ކުޅެދީފައިވާ ޑެހެއާ ވަނީ ޔުނައިޓެޑާއެކު އިނގިރޭސި ޕްރިމިއަރ ލީގާއި، އެފްއޭކަޕާއި، ޔޫރޮޕާ ލީގުގެ އިތުރުން، އެފްއޭ ކޮމިއުނިޓީ ޝީލްޑް ތިން ފަހަރު ކާމިޔާބުކޮށްފައެވެ.