ދުބާއީގެ ދެ ސަރަހައްދެއްގެ ލޮކްޑައުން އުވާލައިފި

ދުބާއީގެ ވިޔަފާރީގެ ގިނަ ޙަރަކާތްތައް ހިންގާ ދެއަވަށެއްގައި އިޢުލާނުކޮށްފައިވާ "ފުރަބަންދު" އުވާލާފައިވާ ކަމަށް ދުބާއީން ބުނެފިއެވެ.

މި ދެ އަވަށަކީ މަދުން ޢާމްދަނީ ލިބޭ އެހެނިހެން ޤައުމުތަކުން އެގައުމަށް އެތެރެވެފައިވާ ގިނަ ޢަދަދެއްގެ މީހުން ދިރިއުޅޭ އަވަށްތަކެކެވެ. ދުބާއީން ދެ އަވަށެއްގެ ލޮކްޑައުން އުވާލަން ނިންމާފައިމިވަނީ ޔުނައިޓެޑް އަރަބް އެމިރޭޓްސް އިން ކާފިއު ހިންގާ ވަގުތުތައް މަދު ކޮށްފައި ވަނިކޮށެވެ.

ދުބާއީގައި ހުކުރު ދުވަހުން ފެށިގެން ދެން ހިންގާނީ ރޭގަނޑު 10 ން ފެށިގެން ފަތިހު 6 އާ ހަަމައަށް ކުރިޔަށްދާ ކާފިއުއެވެ. އަދި ހަމަ މިގޮތައް އަލް ރަސް އަދި ނައިފް އަވަށުގައިވެސް ގައިވެސް ޢަމަލުކުރުމަށް ދުބާއީން ވަނީ ނިންމާފައެވެ. މި ދެ އަވަށަކީ ކޮވިޑް-19 ފެތުރުން ކޮންޓްރޯލް ކުރުމަށް އެއްކޮށް ބަންދު ކޮށްފައިވާ ދެ އަވަށެކެވެ.

ދުބާއީގެ ސްޕްރީމް ކޮމިޓީ އޮފް ކްރައިސިސް އެންޑް ޑިޒާސްޓާރ މެނޭޖްމެންޓުން ބުނެފައިވަނީ އެ ދެއަވަށުގައި ފުރަބަންދުގެ މުއްދަތު އުވާލަން ނިންމީ ފާއިތުވި ދެ ދުވަހު އެ ދެސަރަހައްދުން އެއްވެސް މީހަކަށް ވައިރަސް ޖެހިފައިނުވާތީއެވެ. ފާއިތުވި މަސް ދުވަހުގެތެރޭގައި ވައިރަސް ހުރިތޯ ބެލުމަށް 6000 ޓެސްޓް އެ ދެ ޑިސްޓްރިކްޓުގައި ވަނީ ކޮށްފައެވެ.

ޔުނައިޓެޑް އަރަބް އެމިރޭޓް(ޔޫއޭއީ)ގައި 10،300 ށް ވުރެ ގިނަ މީހުންނަށް ވައިރަސް ޖެހިފައިވާއިރު 76 މީހުން ވަނީ ވައިރަސް ޖެހިގެން މަރުވެފައެވެ. އަދި މިއީ ގަލްފް ސަރަހައްދުގައި ސައުދީ އަރަބިއްޔާ ނެގުމަށްފަހު ދެ ވަނަ އަށް އެންމެ ގިނަ އަދަދެއްގެ މީހުންނަށް ވައިރަސް ޖެހެމުން އަންނަ ގައުމުވެސްމެއެވެ. ޔޫއޭއީގެ 7 އެމިރޭޓްސްގެ މައްޗަށް ބިނާވާއިރު އެއިން ކޮންމެ ތަނެއްގެ އަދަދުތައް ވަކިވަކިން ޔޫއޭއިން ހާމައެއްނުކުރެއެވެ.

ގަލްފް ސަރަހައްދަކީ މަދުން އާމްދަނީ ލިބޭ ގިނަ އަދަދެއްގެ ބޭރުގެ ގައުމުތަކުގެ މީހުން ދިރިއުޅެމުން އަންނަ ސަރަހައްދެކެވެ. ކޮވިޑް-19 އެމީހުން ދިރިއުޅެމުންދާ ސަރަހައްދުތަކުގައި ކޮންޓްރޯލް ކުރުމަށް އެޅި ފިޔަވަޅުތަކާއެކުވެސް ވަނީ އެއާބާދީގެ ތެރެއަށްވެސް ވައިރަސް ފެތުރިފަ އެވެ.

ދުބާއީން ހުކުރު ދުވަހު ވަނީ ކެފޭތަކާއި ރެސްޓޯރެންޓްތައް ހުޅުވާފައެވެ. ނަމަވެސް އެއީ އެތަންތާނގެ 30 އިންސައްތައިގެ ޖާގައަށް ވާވަރަށް މީހުންނަށް ޚިދުމަތްދޭ ގޮތަށެވެ. އަދި ބައެއް ޝޮޕިންގ މޯލްތައްވެސް ވަކިވަރަކަށް ވަނީ ހުޅުވާފައެވެ. އެހެންނަމަވެސް ސިނަމާތަކާއި ކުޅިވަރުކުޅޭ ތަންތަނާއި މިސްކިތްތަކެއް އަދި ނުހުޅުވައެވެ.