ހެލްތް ވޯކަރުންނަށް 1000 ޕީޕީއީ ކިޓު ވިދްޔާ ބާލަން ހަދިޔާ ކޮށްފި!

އިންޑިޔާގެ މަޝްހޫޜު އެކްޓަރ ވިދްޔާ ބާލަން އިންޑިއާގެ ހެލްތް ވޯކަރުންނަށް 1000 ޕީޕީއީ ކިޓު ހަދިޔާކޮށްފިއެވެ.

ވިދްޔާ މި ކިޓްތަށް ހަދިޔާކޮށްފައިވާކަން ހާމަކޮށްފައި ވަނީ އޭނާގެ ފޭސްބުކް ޕޭޖްގައި ޕޯސްޓުކުރި ވީޑިއޯ މެސެޖަކާއި އެކުގައެވެ. ވިދްޔާގެ އެ ޕޯސްޓުގައި ބުނެފައިވަނީ މިހާރުވެސް އެނާ އިތުރު ޕީޕީއީ ކިޓު ގަތުމަށް ފަންޑު ހޯދުމަށް މަޝްހޫރު އެކި ފަންނާނުނާއި އެކު މަސައްކަތް ކުރަމުންދާ ކަމަށެވެ.

މީގެ އިތުރުން ވިދްޔާ ބުނެފައި ވަނީ ކޮވިޑް 19 އާއި ދެކޮޅަށް އިންޑިއާގެ ހެލްތް ވޯކަރުން ސިފައިންނެކޭ އެއްގޮތަށް ބޯޑަރުގައި ހަނގުރާމަކުރަމުންދާ ކަމަށެވެ. ސީނިއަރ ޑޮކްޓަރުންނާއި، ނަރުހުންނާއި އަދި ހޮސްޕިޓަލްގެ ވޯލްޑުގައި މަސައްކަތްކުރާ ފަރާތަކަށް ބޭނުންވާ ޕީޕީއީ ކިޓު ނެތްކަން ވިދްޔާ ވާނީ ފާހަގަކޮށްފައެވެ.

ޕީޕީއީ ކިޓް ބޭނުންވާވަރަށް ނެތުމުގެ ސަބަބުން ގިނަ ހޮސްޕިޓާތަކަކަށް އެންމެ އެކަށީގެންވާ ބާރުމިނުގައި ޙިދުމަތް ދިނުމަށް ވަނީ ދަތިތަކާއި ކުރިމަތިވެފައެވެ. މިކަން ބަދަލު ކުރުމަށް އެންމެން ގުޅިގެން މަސައްކަތް ކޮށްދިނުމަށް ވިދްޔާ ވަނީ ގޮވާލައްވާފައެވެ. މިކަމުގައި އެހީތެރިކަން ފޯރުކޮށްދޭ ފަރާތްތައް ފާހަގަކޮށް ކޮންމެ އެހީތެރިއަކަށްވެސް ޝުކުރުގެ ޙާއްސަ ވީޑިއޯ މެސެޖަކާއި އެކު 2 މިނިޓުގެ ވީޑިއޯ ކޯލެއް ވިދްޔާ އާއި އެކު ލިބިގެންދާނެއެވެ.

ވިދްޔާ ބުނިގޮތުގައި އެންމެ ޕީޕީއީ ކިޓެއްގެ އަގުވެސް 650 ރުޕީސް އަށް އަރައެވެ.