އިގްތިސާދަށް ވަނީ ވެންޓިލޭޓަރުގެ އެހީ ބޭނުންވެފައި: މިނިސްޓަރު އަމީރު
24 އެޕްރީލު 2020 | ހުކުރު 12:01މި ހާލަތުގައި އިގުތިސާދަށް ބޭނުންވާ ބޭސް ދޭން ޖެހޭ
މިނިސްޓަރު އަމީރު، ރައީސް އިބްރާހިމް މުހައްމަދު ސޯލިހުއާއެކު
ކޮވިޑް-19އާ ގުޅިގެން އިގްތިސާދަށް ބޮޑު ލޮޅުމެއް އައިސް ވެންޓިލޭޓަރުގެ އެހީ ބޭނުންވެފައިވާ ކަމަށް ފިނޭންސް މިނިސްޓަރު އިބްރާޙިމް އަމީރު ވިދާޅުވެއްޖެއެވެ.
ހުކުރު ދުވަހު ނޭޝަނަލް އެމަރޖެންސީ އޮޕަރޭޝަންސް ސެންޓަރ (އެންއީއޯސީ)ގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު އަމީރު ވިދާޅުވީ މި ހާލަތުގައި އިގުތިސާދަށް ބޭނުންވާ ބޭސް ދޭން ޖެހޭ ކަމަށެވެ.
ކޮންމެ ބޭހެއްގައި ވެސް ސައިޑް-އިފެކްޓްސް ހުންނާނެ ކަމަށާއި، ސައިޑް އިފެކްޓާ ހުރެ ބޭސް ބޭނުން ނުކުރާނަމަ ލިބޭ ގެއްލުން މާ ބޮޑުވާނެކަން މިނިސްޓަރު އަމީރު ފާހަގަ ކުރެއްވިއެވެ.
ރިސެޝަންގެ ގުދު ފަތިކުރުމަށް ގިނަ މަސައްކަތްތައް ކުރަން ޖެހޭކަން ފާހަގަ ކުރައްވައި މިނިސްޓަރު އަމީރު ވިދާޅުވީ ދައުލަތުން ފިޔަވަޅު ނާޅައިފިނަމަ، އިޤްތިސާދީ ރިސެޝަން ވަރަށް ބޮޑުވާނެ ކަމަށެވެ.
ރިސެޝަންގެ ގުދު ފަތިކުރުމަށް ކުރަންޖެހޭ މަސައްކަތްތައް ގޮތުގައި މިނިސްޓަރު އަމީރު ފާހަގަކުރެއްވި ކަންތައްތައް:
މިނިސްޓަރު އަމީރު ވިދާޅުވީ އިގްތިސާދު ދެމެހެއްޓުމަށް އަޅަން ޖެހޭ ފިޔަވަޅުތައް ނޭޅުމަކީ މުސްތަގުބަލަށް ދެވޭނެ ވަރަށް ބޮޑު ގެއްލުމެއް ކަމަށެވެ.
