ހާލުގައި ޖެހިފައިތިބި ފަރާތްތަކަށް އެހީވުމަށް ޒަކާތު ފަންޑުން 4 މިލިއަން ރުފިޔާ ހަރަދުކޮށްފި
22 އެޕްރީލު 2020 | ބުދަ 21:40ބޭރުގައުމުތަކުގައި ތިބި ދިވެހިންނަށް އެހީވުމަށް 3 މިލިއަން ރުފިޔާ ހަަރަދުކުރެވުނު: މިނިސްޓަރ
މިނިސްޓަރ އޮފް އިސްލާމިކް އެފެއަރޒް ޑރ. އަހުމަދު ޒާހިރު
ކޮވިޑް-19 އާއި ގުޅިގެން ހާލުގައި ޖެހިފައިތިބި ފަރާތްތަކަށް އެހީވުމުގެގޮތުން ޒަކާތު ފަންޑުން ހަތަރު މިލިއަން ރުފިޔާ ޚަރަދުކޮށްފައިވާކަމަށް އިސްލާމިކް މިނިސްޓަރު ޑރ. އަހްމަދު ޒާހިރު ޢަލީ ވިދާޅުވެއްޖެއެވެ.
ކޮވިޑް-19 އާއި ގުޅިގެން ރާއްޖެޓިވީން ގެނެސްދެމުންދާ ޚާއްސަ ކަވަރޭޖްއަށް ބުދަ ދުވަހު ދެއްވި ޚާއްސަ އިންޓަރވިއުއެއްގައި މިނިސްޓަރ ވިދާޅުވީ ކޮވިޑް-19 އާއި ގުޅިގެން ހާލުގައި ޖެހުނު ފަރާތްތަކަށް އެހީވުމުގެގޮތުން ޒަކާތު ފަންޑުން މިހާތަނަަށް ހަތަރު މިލިއަން ރުފިޔާ ހަރަދުކޮށްފައިވާކަމަށެވެ. އެގޮތުން ބޭރުގައުމުތަކުގައި ތިބި ދިވެހިންނަށް އެހީވުމަށް 3 މިލިއަން ރުފިޔާ ހަަރަދުކުރެވުނު ކަމަށާއި ޖެންޑަރ މިނިސްޓްރީގެ ބެލުމުގެ ދަށުގައި ތިބި ފަރާތްތަކަށް ޒަކާތު ފަންޑުން 1 މިލިއަން ރުފިޔާ ހަރަދުކޮށްފައިވާކަމަށެވެ.
މިނިސްޓަރ ވިދާޅުވީ ހާލަތަށް ރިއާޔަތްކުރުމަށްފަހު އެ އަދަދު މުރާޖާ ކުރަމުންގެންދާނެ ކަމަށެވެ.
ކޮވިޑް-19 އަކީ ބޮޑު ކާރިޘާއަކަށް ވުމާއިއެކު މިވައިރަހާއި ގުޅިގެން ރާއްޖެއިން ބޭރަށް ގޮސް ޙާލުގައި ޖެހިފައި ތިބި ދިވެހިންނަށް އެހީވުމަށް ސަރުކާރުން ދަނީ ބުރަ މަސައްކަތްތަކެއްކޮށް ގިނަ ފައިސާތަކެއް ޚަރަދުކުރަމުންނެވެ.
