މާލެ ލޮކްޑައުން ކުރުމާއި ގުޅިގެން ވަންނާނެތަނެއްް ނެތި ތިބި 87 މީހަކަށް ޖެންޑަރ މިނިސްޓްރީން ފޯރުކޮށްދީފިއެވެ.
އަންގާރަ ދުވަހު ނެޝަނަލް އެމެޖެންސީ ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، މަގުމަތިވެފައިވާ 87 މީހަކަށް ވަންނާނެ ތަނާއި، އެމީހުންނަށް ކާބޯތަކެތި އިތުރުން ބޭސްފަރުވާ ލިބޭނެ ކަމުގެ އިންތިޒާމް ހަމަޖައްސާފައިވާ ކަމަށެވެ.
މަބްރޫކް ވިދާޅުވީ، އޭގެ ތެރެއިން 25 ފަރާތަކީ ޑްރަގްގެ ވަބާގައި ޖެހިފައިވާ ފަރާތްތަކަށްވާތީވެ އެމީހުން ވަކި ތަނަަކަށް ގެންގޮސް ރިހިބިލިޓޭޓް ކުރުމުގެ މަސައްކަތް ފަށާފައިވާ ކަމަށެެވެ. އަދި ޖެންޑާ މިނިސްޓްރީއާ ސިޓީ ކައުންސިލާއި ގުޅިގެން މަގުމަތިވެފައިވާ ފަރާތްތަކަށް އިޖްތިމާއި ރައްކާތެރިކަން ފޯރުކޮށްދެމުންދާ ކަމަށް ވިދާޅުވިއެވެ.
މީގެކުރިން ބޭއްވި ޕްރޮސްކޮންފަރެންސް ގައި އެސިސްޓެންޓް ކޮމިޝަނަރ އޮފް ޕޮލިސް ޑރ. އަބްދުﷲ ފައިރޫޝް ވިދާޅުވެފައިވަނީ، މާލޭގެ މަގުމަތީގައި އުޅޭ މީހުންގެ ތެރެއިން ފުލުހުންގެ ބެލުމުގެ ދަށަށް ގެންގޮސްފައިވާ ބައެއް ފަރާތްތަކަކީ ވަންނާނެ ތަނެއްނެތިގެން މަގުމަތީގެ އެތައް ސަރަހައްދެއް ކަމަށެވެ.
މާލެ ލޮކްޑައުން ކޮށްފައިވާ މި ދަނޑިވަޅުގައި ކުއްޔަށް އުޅޭ ފަރާތްތަކަށް ކުލި ނުދެއްކުމުގެ ސަބަބުން ގެތަކުން ބޭރުކުރާ މައްސަލަ ވަނީ ބޮޑުވެފައެވެ. ބައެއް ގެތަކުގެ ވެރިން ދަނީ ކުލީ މާފުކޮށް ފަހުން ކުލި ދެއްކޭ އިންތިޒާމް ހަމަޖައްސާދެމުންނެވެ.
