ރާއްޖެ
ކޮވިޑް-19 ލޯކަލް ޓްރާންސްމިޝަން
އިތުރު 8 މީހުން ކޮވިޑް-19 އަށް ޕޮޒިޓިވްވެއްޖެ
މި މީހުން އައިސޮލޭޝަން ފެސިލިޓީއަށް ގެންދިއުމުގެ މަސައްކަތް ކުރަމުންދަނީ
ސިމާހާ ނަސީމް, ރާއްޖެ އެމްވީ | 20 އެޕްރީލު 2020 | ހޯމަ 09:11
އައިޖީއެމްއެޗް ލެބޯޓްރީގައި ޓެސްޓުކުރުން ކުރިއަށްގެންދަނީ
މާލެސިޓީން އިތުރު 8 މީހުން ކޮވިޑް-19 ށް ޕޮސިޓިވް ވެއްޖެއެވެ. މީގެ ތެރޭގައި ހިމެނެނީ 2 ބަންގްލަދޭޝް މީހުންނާއި 6 ދިވެހިންނެވެ.
ހޯމަ ދުވަހުގެ މެންދުރު ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ކޮވިޑް-19 އަށް އިތުރު 8 މީހުން ޕޮޒިޓިވްވެފައިވާ ކަމަށެވެ. އަދި މި މީހުން އައިސޮލޭޝަން ފެސިލިޓީއަށް ގެންދިއުމުގެ މަސައްކަތް ކުރަމުންދާ ކަމަށް އެޗްޕީއޭއިން ބުނެއެވެ.
މިހާތަނަށް މާލޭން ބައްޔަށް ޕޮސިޓިވްވި މީހުންގެ އަދަދު 40 ށް ވަނީ އަރާފައެވެ.
އަލަށް ޕޮސިޓިވްވި މީހުންނާއި ކުރިން ބައްޔަށް ޕޮސިޓިވް މީހުންނާ ގުޅުމެއް ހުރިތޯ ބަލަމުންދާ ކަމަށް އެޗްޕީއޭ އިން ވަނީ ބުނެފައެވެ.
