މާލޭގެ އިތުރު 4 ތަނެއް މޮނިޓަރިންގ ހާލަތަށް ގެނެސްފި
17 އެޕްރީލު 2020 | ހުކުރު 12:19ކ. ކާށިދޫ ވަނީ މޮނިޓަރިންގެ ހާލަތުން އާންމު ހާލަތަށް ގެނެވިފައި
މާލޭގެ ފުރަތަމަ ކޭސް ފެނުނު މ.ޖަރީމާގޭ ކައިރީގައި ފުލުހުން ހަރަކާތްތެރިވަނީ
މާލޭ ސަރަހައްދުގައި ހިމެނޭ އިތުރު ހަތަރު ތަނެއް މޮނީޓަރިންގ ހާލަތަށް ގެނެސްފި އެވެ.
ކޮވިޑް-19 އާ ގުޅޭ އެންމެ ފަހުގެ މައުލޫމާތު ހިއްސާކުރުމަށް ހުކުރު ދުވަހު ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ރަފީގް ވިދާޅުވީ މާލެ އިން ފެނުނު ކޭސްތަކާއި، ސަސްޕެކެޓެޑް ކޭސް ތަކާއި ގުޅިގެން އިތުރު ހަތަރު ތަނެއް މޮނިޓަރިންގެ ހާލަތަށް ގެނެވިފައިވާ ކަމަށެވެ. އެގޮތުން މޮނިޓަރިންގެ ހާލަތަށް ގެނެވިފައިވަނީ:
· މ. ވީނަސް
· މ. ފްލައިޓް ވިއު
· ހ. ޕާކް ސައިޑް
· މާލެ ސްކޮއަރ
މާލެއިން ފެނުނު ކޭސްތަކާއި ގުޅިގެން ވަނީ 22 ތަނެއް މީގެ ކުރިންވެސް ވަނީ މޮނިޓަރިންގެ ހާލަތަށް ގެނެވިފައެވެ. އޭގެ ތެރެއިން ކ. ކާށިދޫ ވަނީ މޮނިޓަރިންގެ ހާލަތުން އާންމު ހާލަތަށް ގެނެވިފައިވާ ކަމަށާއި ސަސްޕެކްޓް ކުރެވޭ މީހުން ވަނީ އައިސޮލޭޓް ކުރެވިފައި ކަމަށެވެ.
