ހަރަމްފުޅުގައި ތާރމަލް ކެމެރާ ހަރުކޮށްފި
17 އެޕްރީލު 2020 | ހުކުރު 02:43ކެމެރާތަކުން އެއްފަހަރާ 25 މީހުންގެ ހަށިގަނޑުގެ ހޫނުމިން ބަލާލެވޭނެ
ހަރަމް ފުޅުގެ ހަރިންމަ ތެރޭގައި ހަރުކުރި ތަރމަލް ކެމެރާއެއް އެކްޓިވޭޓް ކުރަނީ
މަސްޖިދުލް ޙަރަމްއަށް ވަންނަ މީހުންގެ ހަށިގަނޑުގެ ފިނުހޫނުމިން ބެލުމަށް ޚާއްޞަ ތަރމަލް ސްކޭން ކެމެރާތަކެއް ހަރުކޮށްފިއެވެ.
ސައުދީ ޕްރެސް އޭޖެންސީން ރިޕޯޓުކުރާގޮތުގައި، މިއީ ކައުބަތުﷲ ގެފުޅާއި މާތްވެގެންވާ ޙަރަމްފުޅުގެ ތެރޭގައި ކޮވިޑް-19 އިން ފެތުރުނުނަ ނުދިނުމުގެގޮތުން އެޤައުމުގެ "ޖެެނެރަލް ޕްރެސިޑެންސީ ފޮރ ދަ އެފެއަރޒް އޮފް ގްރޭންޑް މޮސްކް އެންޑް ދަ ޕްރޮފެޓްސް މޮސްކް" އިން އެޅި ސަލާމަތީ ފިޔަަވަޅެކެވެ.
ހަރަމްފުޅުގައި ޤާއިމުކުރި ކެމެރާތަކުން އެއްފަހަރާ 25 މީހުންގެ ހަށިގަނޑުގެ ހޫނުމިން ބަލާލެވޭނެއެވެ. 9 މީޓަރު ދުރުގައި ހުންނަ މީހެއްގެ ހޫނުމިން ބަލާލެވޭ މި ސްކޭނަރުން ނަގާ ރީޑިންގ ވަރަށް "އެކިއުރޭޓް" ވާނެކަމަށްވެސް ސައުދީ ޕްރެސް އޭޖެންސީން ބުނެއެވެ. ހުއްޓުމެއްނެތި މަސައްކަތް ކުރާ ގޮތައް ޕްރޮގުރާމް ކުރެވިފައިވާ މި ސްކޭނަރުން ރިއަލް ޓައިމްގަ މީހުންގެ އޯޑިއޯއާއި ވީޑިއޯގެ އިތުރުން، މީހުންގެ ހުމުގެ ޑޭޓާ ރިކޯޑްކޮށްލެވޭނެއެވެ.
މި ސްކޭނަރ ފަރުމާކޮށްފައިވަނީ އެއްމަސްދުވަސް ވަންދެން ޑޭޓާ ބެހެއްޓޭގޮތަށެވެ. އޭގެ އިތުރުން އެހެނިހެން މޯބައިލް ޑިވައިސްތަކަށް މި ޑޭޓާތައް ވަރަށް ފަސޭހައިން ޓްރާސްފަރ ކުރެވޭނެ ކަމަށް، ވެސް ސައުދީ ޕްރެސް އޭޖެންސީން ބުނެއެވެ.
