ކޮވިޑް-19: ބަލި ޖެހުނު އިތުރު ދެ ދިވެއްސަކު ރަނގަޅުވެއްޖެ
5 ދިވެހިން ޕޮޒިޓިވްވި
ކޮވިޑް-19 އަށް ޓެސްޓު ކުރަނީ
ކޮވިޑް-19 އަށް ރާއްޖެއިން ޕޮޒިޓިވްވި ދިވެހިންގެ ތެރެއިން ދެ މީހަކު ބަލިން ފަސޭހަވެއްޖެއެވެ.
މި ދެމީހުން ރަނގަޅުވުމުގެ ކުރިން، އެންމެ ފުރަތަމަ ބައްޔަށް ޕޮޒިޓިވްވި ދިވެހި މީހާވެސް ވަނީ ރަނގަޅުވެފަ އެވެ. އެޔާއެކު ބަލިޖެހުނު ދިވެހި 5 މީހުންގެ ތެރެއިން 3 މީހަކު ބަލިން ވަނީ ރަނގަޅުވެފަ އެވެ. އަދި ބައްޔަށް މިހާރު ފަރުވާދެމުންގެންދަނީ 2 ދިވެއްސަކަށެވެ.
ހެލްތް ޕްރޮޓެކްޝަން އެޖެންސީން ކުރި ޓުވީޓެއްގައި ބުނީ އެ ދެ ދިވެހިންގެ ޓެސްޓުތައް ހަދާފައިވާކަމަށާއި، ހެދި ދެ ޓެސްޓުވެސް ނެގެޓިވްކަމަށް ދައްކާފައިވާކަމަށެވެ. އެ ދެ ދިވެހިންނަށް ފަރުވާދީފަިއވަނީ ވެލިދޫ އައިސޮލޭޝަން ފެސިލިޓީގަ އެވެ.
މިހާތަނަށް ރާއްޖެއިން ކޮވިޑް-19 އަށް ޕޮޒިޓިވްވެފައިވަނީ 20 މީހަކު އެވެ. އޭގެތެރެއިން 16 މީހަކު ބަލިން ރަނގަޅުވެފައިވާއިރު، އޭގެތެރޭގައި ހިމެނޭ ދެ މީހުން ބައްޔަށް ޕޮޒިޓިވްވެފައިވަނީ ރާއްޖެއިން ފުރައިގެން ދިޔަ ފަހުންނެވެ.
