ކޮވިޑް-19 އަށް ރާއްޖެއިން ޕޮޒިޓިވްވި ފުރަތަމަ ދިވެހި މީހާ ރަނގަޅުވެއްޖެ
ޕޮޒިޓިވްވީ 20 މީހުން
ރާއްޖެއިން މިހާތަނަށް 20 މީހަކު ވަނީ ކޮވިޑް-19 އަށް ޕޮޒިޓިވްވެފައި
ދިވެހިރާއްޖެއިން ކޮވިޑް-19 އަށް ޕޮޒިޓިވްވި ފަސް ދިވެހިންގެ އެކަކު ބަލިން ރަނގަޅުވެއްޖެ އެވެ.
އެމީހާ އަކީ އިނގިރޭސިވިލާތުން އައި ހަތަރު ދިވެހިންގެ ތެރެއިން އެކަކެވެ. އެ މީހާއަކީ ކޮވިޑް-19 އަށް ޕޮޒިޓިވްވި ފުރަތަމަ ދިވެހި މީހާ އެވެ.
މި މީހާއާ އެކު ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ ތެރެއިން 14 މީހަކު މިވަނީ ބަލިން ރަނގަޅުވެފައެވެ. އެންމެ ފަހުން މީހަކު ޕޮޒިޓިވްވެފައިވަނީ އާދިއްތަ ދުވަހުއެވެ. އެމީހާ އަކީ ފިލިޕީންސް އައި ދިވެއްސެކެވެ.
ކޮވިޑް-19 އަށް ރާއްޖެއިން ޕޮޒިޓިވްވެފައިވަނީ 20 މީހުންނެވެ. އޭގެ ތެރެއިން ދެ މީހުން ޕޮޒިޓިވްވީ ރާއްޖެއިން ފުރައިގެން ދިޔަ ފަހުންނެވެ.
ކޮވިޑް-19 އާ ގުޅިގެން ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާންކޮށް ގިނަ ފިޔަވަޅުތަކެއް ދަނީ އަޅަމުންނެވެ. ޑިރެކްޓަރ ޖެނެރަލް އޮފް ޕަބްލިކް ހެލްތް މައިމޫނާ އަބޫބަކުުރް އަށް ލިބިގެންވާ ބާރުގެ ދަށުން މީގެ ކުރިން މާލެ ސަރަހައްދުގައި ވަނީ ކާފިޔު ހިންގާފައެވެ.
