ކޮވިޑް-19: ފިލިޕީންސުން މިއަދު އެކަނިވެސް 50 މީހުން މަރުވެއްޖެ
12 އެޕްރީލު 2020 | އާދީއްތަ 10:22މިއަދު އެކަނި 220 މީހުން ވައިރަސްއަށް ޕޮޒިޓިވްވެފައިވޭ
ފިލިޕީްންސްގެ ޞިއްހީ ޚދިުމަތްތެރިންގެ ޓީމެއް
ފިލިޕީންސްއިން މިއަދު އެކަނިވެސް 50 މީހުން ކޮވިޑް-19 ޖެހިގެން މަރުވެއްޖެއެވެ.
އެޤައުމުގެ ހެލްތު މިނިސްޓްރީއާއި ޙަވާލާދީ ބޭރުގެ މީޑިއާތަކުން ރިޕޯޓުކުރާގޮތުގައި، މިއީ އެޤައުމުގައި ވައިރަސް ފެތުރެން ފެށިފަހުން މިހާތަނަށް އެންމެ ގިނަ މީހުން މަރުވި ދުވަހެވެ.
މިއަދު އެޤައުމުން އިތުރު 50 މީހުން ވައިރަސްގައި މަރުވުމާއެކު އެޤައުމުގައި ވައިރަސްގައި މަރުވީ މީހުންގެ އަދަދު ވަނީ 297 އަށް އަރާފައެވެ. އަދި މިއަދު އެކަނި 220 މީހުން ވައިރަސްއަށް ޕޮޒިޓިވްވެފައިވާއިރު، މިހާރު ވައިރަސްޖެހުނު މީހުންގެ ޖުމުލަ އަދަދަކީ 4،648 އެވެ.
އަދި މިއަދު އިތުރު 40 މީހުން ރަނގަޅުވެގެން ގެއަށް ދޫކޮށްލުމާއެކު ފަރުވާދީގެން ޝިފާ ލިބުނު މީހުންގެ ޢަދަދު ވަނީ، 197 އަށް އަރާފައެވެ. އެޤައުމުގައި މިހާރުވެސް 4,024 މީހުންނަށް ފަރުވާދެމުން އެބަދެއެވެ. މީގެތެރެއިން އެކަކުގެ ޙާލު ވަރަށް ސީރިއަސްކަމަށް ބޭރުގެ މީޑިއާތަކުން ރިޕޯޓުކޮށްފައިވެއެވެ.
މާރޗުމަހުގެ ތެރޭގައި އެޤައުމުގައި ހިފެހެއްޓުމެއްނެތި ވައިރަސް ފެތުރެމުންދާން ފެށުމުން އެޤައުމުގެ ސަރުކާރުން ވަނީ ވައިރަސްއަށް ތަހުލީލުކުރުމުގެ ނިޒާމު ހަރުދަނާކޮށްފައެވެ.
