ސަރުކާރު ބަންދުނަމަވެސް އެކްސްޕެޓް އޮންލައިން ސިސްޓަމުންދޭ ބައެއް ޚިދުމަތްތައް ދެމުންދާނެ: މިނިސްޓްރީ
12 އެޕްރީލު 2020 | އާދީއްތަ 07:37ޚިދުމަތް ދެމުންދާނީ ހަފްތާ ބަންދު ފިޔަވައި ކޮންމެ ދުވަހަކު ހެނދުނު 10:00 އިން މެންދުރު 12:00 އަށް
އިކޮނޮމިކް މިނިސްޓަރ ފައްޔާޒް އިސްމާއިލް
ސަރުކާރު ބަންދުނަމަވެސް އެކްސްޕެޓް އޮންލައިން ސިސްޓަމުންދޭ ބައެއް ޚިދުމަތްތައް ދެމުންދާނެ ކަމަށް މިނިސްޓްރީ އޮފް އިކޮނޮމިކް ޑިވެލެޕްމަންޓުން ބުނެފިއެވެ.
އިކޮނޮމިކް މިނިސްޓްރީން ބުނީ ސަރުކާރު ބަންދު ކުރައްވާފައިވާ މުއްދަތު 2020 އޭޕްރިލް 16 ވަނަ ދުވަހުގެ ނިޔަލަށް އިތުރުކުރައްވާފައިވާތީ، އެ މިނިސްޓްރީން އެކްސްޕެޓް އޮންލައިން ސިސްޓަމް މެދުވެރިކޮށް ދެމުންގެންދާ ޚިދުމަތްތަކުގެ ތެރެއިން ބައެއް ޚިދުމަތްތައް އާދިއްތަ ދުވަހުން ފެށިގެން ދެމުން ގެންދާނެ ކަމަށެވެ.
އެގޮތުން އެމްޕްލޯއިމަންޓް އެޕްރޫވަލްގެ މުއްދަތު އިތުރު ކުރުމަށް ބޭނުންވާ ކޯޓާގެ މުއްދަތު އިތުރުކުރުމުގެ ޚިދުމަތާއި، އެމްޕްލޯއިމަންޓް އެޕްރޫވަލްގެ މުއްދަތު އިތުރު ކުރުމުގެ ޚިދުމަތާއި ވަޒީފާ ދޭފަރާތް ބަދަލުކުރުމުގެ ޚިދުމަތްދޭނެކަމަށް މިނިސްޓްރިން ބުނެއެވެ.
މި ޚިދުމަތްތަކަށް އެދި އެކްސްޕެޓް އޮންލައިން ސިސްޓަމް މެދުވެރިކޮށް އެޕްލިކޭޝަން ހުށަހެޅުމުގެ އިންތިޒާމް ސަރުކާރުގެ އޮފީސްތައް ރަސްމީކޮށް ހުޅުވުމާހަމައަށް އާދީއްތަ ދުވަހުން ފެށިގެން ހަފުތާ ބަންދު ފިޔަވައި ކޮންމެ ދުވަހަކު ހެނދުނު 10:00 އިން މެންދުރު 12:00 އަށް ދޭން ހަމަޖެހިފައިވާކަމަށް އިޢުލާނުގައި ބުނެފައިވެއެވެ.
