ތޮއްޖެހިފައިވާ ތަންތަނުގައި ދިރިއުޅޭ ބިދޭސީން ބަދަލުކުރުމުގެ މަސައްކަތް ފަށަނީ
12 އެޕްރީލު 2020 | އާދީއްތަ 04:5140،000 ހާސް ބިދޭސީން ވަނީ ރަޖިސްޓްރީވެފައި
ރާއްޖޭގައި މަސައްކަތްކުރާ ބިދޭސީންތަކެއް
ތޮއްޖެހިފައިވާ ތަންތަނުގައި ދިރިއުޅޭ ބިދޭސީން އެހެން ތަންތަނަށް ބަދަލުކުރުމުގެ މަސައްކަތް އާދިއްތަ ދުވަހު ފަށާނެ ކަމަށް އިކޮނޮމިކް މިނިސްޓްރީން ބުނެފިއެވެ.
ހޮނިހިރު ދުވަހުގެރޭ، ނޭޝަަނަލް އެމެޖެންސީ އޮޕަރޭޝަން ސެންޓަރުގައި ނޫސްވެރިންނަށް މަޢުލޫމާތު ދެއްވަމުން އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވީ، އިމިގްރޭޝަނާއި، އެމްއެންޑީއެފް އަދި މާލެ ސިޓީ ކައުންސިލާ ގުޅިގެން ޙާލަތު ގޯސްތަންތަނުގައި ދިރިއުޅޭ ބިދޭސީން އެއަށްވުރެ ރަނގަޅު ތަންތަނަށް ބަދަލު ކުރުމުގެ މަސައްކަތް ފަށާނެ ކަމަށެވެ.
ބިދޭސީން ޤަވާއިދަށް ވެއްދުމަށް އިކޮނޮމިކް މިނިސްޓްރީން ކުރިޔަށް ގެންދާ ''ރެގިއުރަލައިޒޭޝަން'' ޕްރޮގުރާމުގެ ތަފުޞީލު ދެއްވަމުން ފައްޔާޒު ވިދާޅުވީ، ފެބްރުއަރީ މަހާ ހަމަޔަށް 40،000 އާ ގާތްކުރާ ޢަދަދަކަށް ވަރަށް ޤަވާއިދާ ޚިލާފަށް އުޅޭ ބިދޭސީން ރަޖިސްޓްރީ ކުރެވިފައިވާ ކަމަށެވެ.
އޭގެ ތެރޭގައި އެއްވެސް ކަހަލަ ލިޔުމެއް ނެތް ބިދޭސީން ގިނަކަން ފާހަގަކުރައްވަމުން މިނިސްޓަރު ވިދާޅުވީ، އަދިވެސް ރަޖިސްޓްރީނުވާ 20،000 އެއްހާ ބިދޭސީން ތިބެދާނެ ކަމަށް ޤަބޫލުކުރެވޭ ކަމަށެވެ.
ފައްޔާޒު ވިދާޅުވި ގޮތުގައި ބިދޭސީން ރަޖިސްޓްރީކުރާއިރު އެންމެ ބޮޑު ގޮންޖެހުމަކަށް ލިޔެކިޔުން ނެތް ބިދޭސީންގެ ލިޔެކިޔުންތައް ހެއްދުމެވެ. އެމްބަސީ މެދުވެރިކޮށް ''ޑޮކިއުމެންޓް'' ހެއްދުމަށް ގިނަ ދުވަސް ނަގާކަން ފާހަގަކުރައްވަމުން މިނިސްޓަރު ވިދާޅުވީ، ރަޖިސްޓްރީ ވެފައިވާ ބިދޭސީން ވަޒީފާތަކަށް ނެގުުމުގައި ދިމާވާ ދަތިތަކެއް އެބަހުރިކަމަށެވެ.
