އާދީއްތަ 07 ޖޫން 2020
05 މިއަހެލި
1441 ޝައްވާލް 15
ފަތިސް 04:34
އިރުއަރާ 05:52
މެންދުރު 12:09
އަސްރު 15:32
އިރުއޮއްސޭ 18:17
އިޝާ 19:35
ކޮވިޑް-19 ވެކްސިން

ކޮވިޑް-19 ގެ ވެކްސިން ސެޕްޓެމްބަރަށް ލިބިދާނެ: ޕްރޮފެސަރ ސާރާ ގިލްބަޓް

  • ވެކްސިން ކާމިޔާބުވާނެ ކަމުގެ 80 އިން ސައްތަ ޔަގީން

ކ. މާލެ | 11 އޭޕްރިލް 2020 | ހޮނިހިރު 12:46 | 20,083

ޕްރޮފެސަރ ސާރާ ގިލްބަޓް - ޔުނިވަރސިޓީ އޮފް އޮކްސްފޯޑް

ކޮވިޑް-19 ބައްޔަށް އުފައްދާ ވެކްސިން ސެޕްޓެމްބަރު މަހަށް ލިބިދާނެ ކަމަށް އުއްމީދު ކުރާ ކަމަށް އިނގިރޭސިވިލާތުގެ އޮކްސްފޯޑުގެ ވެކްސިނޮލޮޖީ ޕްރޮފެސަރ ސާރާ ގިލްބަޓް ހާމަ ކޮށްފިއެވެ.

ޓައިމްސް ނޫހަށް ދިން ބަސްދީގަތުމެއްގައި ޕްރޮފެސަރ ގިލްބަޓް ހާމަކުރި ގޮތުގައި، އޭނާގެ ޓީމް ކުރަމުންދާ މަސައްކަތުން އުފައްދާ ވެކްސިން ކާމިޔާބުވާނެ ކަމުގެ ޔަގީންކަން 80 އިން ސައްތަ އެބައޮތެވެ.

ޕްރޮފެސަރ ގިލްބަޓް އާއި އޭނާގެ ޓީމުން ކޮވިޑް-19 އަށް ވެކްސިނެއް އުފެއްދުމުގެ މަސައްކަތް ހަފްތާގެ 7 ދުވަހު ކުރަމުންދާ ކަމަށާއި، ކުރިއަށް އޮތް ދެ ހަފްތާއެއްހާ ދުވަހުގެ ތެރޭގައި އަޖުމަ ބެލުމުގެ ގޮތުން އެ ވެކްސިން އިންސާނުންނަށް ދޭން ފަށާނެ ކަމަށްވެސް އޭނާ ވަނީ ހާމަކޮށްފައެވެ.

ވެކްސިނެއް ހޯދުމަށް އެންމެ ބޮޑު ހޭދައެއް ކުރާ އެއް ގައުމަކީ އިނގިރޭސިވިލާތެވެ. ވެކްސިނެއް ހޯދުމަށް ބައިނަލް އަގްވާމީ ފެންވަރުގައި އުފައްދާފައިވާ ފަންޑަށް އެ ގައުމުން 210 މިލިއަން ޕައުންޑު ވަނީ ދީފައެވެ. އިނގިރޭސި ސަރުކާރުން ބުނެފައިވަނީ ޓެސްޓްތައް ކާމިޔާބު ވެއްޖެނަމަ އެތައް މިލިއަން ވެކްސިން ޑޯޒް ގަންނަން ތައްޔާރަށް އޮތް ކަމަށެވެ.

އޮކްސްފޯޑުގެ ސައިންސްވެރިން ސެޕްޓެމްބަރ މަހާ ހަމައަށް ވެކްސިން ތައްޔާރުވާނޭ ކަމަށް ބުނެފައިވީ ނަމަވެސް، ދުނިޔޭގެ ސިއްހަތު ޖަމްއިއްޔާ އިންނާއި، ވެކްސިނެއް ހޯދުމުގެ މަސައްކަތް ކުރާ އެހެން ބައެއް ގައުމުތަކުގެ ސައިންސްވެރިން ބުނެފައިވަނީ މިކަމަށް އެއް އަހަރާއި 18 މަހާއި ދެމެދުގެ މުއްދަތެއް ހޭދަވާނެ ކަމަށެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ރާއްޖެ އެމްވީ

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.