ހޮނިހިރު 06 ޖޫން 2020
04 މިއަހެލި
1441 ޝައްވާލް 14
ފަތިސް 04:34
އިރުއަރާ 05:52
މެންދުރު 12:08
އަސްރު 15:32
އިރުއޮއްސޭ 18:17
އިޝާ 19:35
ކޮވިޑް-19

ލޮކްޑައުންއާ ޚިލާފުވެވުމުން ސްކޮޓްލޭންޑުގެ ޗީފް މެޑިކަލް އޮފިސަރ އިސްތިއުފާ ދެއްވައިފި

  • އިސްތިއުފާ ދެއްވާފައިވަނީ ހޯމަ ދުވަހުގެ ވަގުތެއްގައި
  • އެ މަންޒަރުތައް އެ ޤައުމުގެ ނޫހަކުން ރިޕޯޓް ކޮށްފައިވޭ
  • އިނގިރޭސިވިލާތުން 47،000 އަށްވުރެ ގިނަ މީހުން ވައިރަސްއަށް ޕޮޒިޓިވްވެފައި

ކ. މާލެ | 6 އޭޕްރިލް 2020 | ހޯމަ 07:36 | 8,374

ސްކޮޓްލޭންޑުގެ ޗީފް މެޑިކަލް އޮފިސަރ ޑރ ކެތްރީން ކެލްޑަރވުޑް - ދަ ސްކޮޓިޝް ސަން

ކޮވިޑް-19 އާއި ގުޅިގެން އިނގިރޭސިވިލާތުގައި ކަނޑައަޅާފައިވާ ލޮކްޑައުންއާއި ޚިލާފުވެވުމުން ސްކޮޓްލޭންޑުގެ ޗީފް މެޑިކަލް އޮފިސަރ އިސްތިއުފާ ދެއްވައިފިއެވެ.

ސްކޮޓްލޭންޑުގެ ޗީފް މެޑިކަލް އޮފިސަރ ޑރ ކެތްރީން ކެލްޑަރވުޑް އިސްތިއުފާ ދެއްވާފައިވަނީ ހޯމަ ދުވަހުގެ ވަގުތެއްގައެވެ. އެގޮތުން ލޮކްޑައުން ކޮށްފައި އޮއްވައި ޑރ ކެތްރީން ވަނީ ސްކޮޓްލޭންޑުގެ އުތުރު ސަރަޙައްދެއްގައި ހުންނަ އޭނާގެ ގެއަކަށް ޒިޔާރަތް ކުރައްވާފައެވެ.

އެ މަންޒަރުތައް އެ ޤައުމުގެ ނޫހަކުން ރިޕޯޓް ކުރުމާއެކު ޑރ ކެތްރީން ވަނީ މީގެ ކުރިންވެސް ލޮކްޑައުން ތެރޭގައި އެގޮތަށް ވަޑައިގެންނެވިކަމަށް އިއުތިރާފުވެ، މަޤާމުން އިސްތިއުފާ ދެއްވާފައެވެ. އެގޮތުން އޭނާ އިސްތިއުފާ ދެއްވާފައިވަނީ ކޮވިޑް-19 އާއި ގުޅިގެން ބާއްވާ ނޫސްވެރިންގެ ބައްދަލުވުންތަކުގައި އޭނާ އިތުރަށް ބައިވެރި ނުކުރުމަށް އެ ޤައުމުގެ ކަމާބެހޭ ފަރާތްތަކުންވެސް ނިންމާފައިވަނިކޮށެވެ.

އިސްތިއުފާދެއްވަމުން ޑރ ކެތްރީން ވަނީ އޭނާގެ އަމަލުތަކަށް އާންމުންގެ ކިބައިން މާފަށް އެދިވަޑައިގެންފައެވެ.

އިނގިރޭސިވިލާތުން 47،000 އަށްވުރެ ގިނަ މީހުން ވައިރަސްއަށް ޕޮޒިޓިވްވެފައިވާއިރު، 4900 އަށްވުރެ ގިނަ މީހުން މިހާތަނަށް ވައިރަސް ޖެހިގެން މަރުވެފައިވެއެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.