ރޯދަ މަހަށް އަގު ހެޔޮ ބާސްމަތީ ހަނޑޫ ސިބްކޯ އިން ތައާރަފުކޮށްފި

ރޯދަ މަހަށް އަގު ހެޔޮ ބާސްމަތީ ހަނޑޫ ސިބްކޯ އިން ތައާރަފުކޮށްފިއެވެ.

މަޝާލް ބްރޭންޑްގެ މި ބާސްމަތީ ހަނޑުލަކީ ޕާކިސްތާނުގެ އުފެއްދުމެކެވެ. ސިބްކޯ އިން ބުނީ މި ހަނޑުލުގެ 5 ކިލޯ އާއި 1 ކިލޯގެ ޕެކެޓް ރާއްޖޭގެ ފިހާރަތަކުން ލިބޭނެ ކަމަށާއި ހޯލް ސޭލް އަދި ރީޓެއިލްކޮށް ގަންނަން ބޭނުންވާ ފަރާތްތަކަށް އެ ކުންފުނީގެ ބާޒާރު ފިހާރައިން ލިބެން ހުންނާނެ ކަމަށެވެ. އަދި ކުރިއަތް އޮތް ހަފުތާގައި ސިބްކޯގެ ފުވައްމުލަކު އަދި އައްޑޫ ބްރާންޗުން ވެސް މި ހަނޑޫ ވިޔަފާރިވެރިންނަށާއި ކަސްޓަމަރުންނަށް މާލެއިން ލިބޭ އަގުގައި ލިބޭނެކަމަށެވެ.

ސިބްކޯގެ މެނޭޖަރ މަރކެޓިންގ އެންޑް ކޮމިއުނިކޭޝަންސް ހާނީ ނައީމް ވިދާޅުވި ހަނޑުލަކީ ދިވެހިން ކެއުމުގައި ބޭނުންކުރާ މައިގަނޑު އެއްބާވަތަށްވާއިރު މި ހަނޑުލަކީ ކޮލެޓީ ރަނގަޅު ހަނޑުލެއް ކަަމަށެވެ. އަދި ކަސްޓަމަރުންނަށް މި ހަނޑޫ ހެޔޮއަގުގައި ލިބިގެންދާނެކަމަށް ވެސް އޭނާ ފާހަގަކުރެއްވިއެވެ.

ސިބްކޯ އިން ބުނީ އަލްމާޝަލް ބަސްމަތީ ހަނޑުލާއި ޑެއިރީ ޗޭމްޕް ގެރިކިރު، އަލްމުދިޝް ޓޮމާޓޯ ޕޭސްޓްގެ އިތުރުން ބަދިގޭގައި ބޭނންކުރެވޭ މުދާތައް ހިމެނޭ ގޮތަށް "ރޯދަ ހަދިޔާ" ގެ ނަމުގައި ގިފްޓް ޕެކެއް ނެރުމުގެ މަސައްކަތް ކުރަމުންދާކަމަށެވެ.

ސިބްކޯ އަކީ ރާއްޖޭގެ ބާޒާރުގައި މަޝްހޫރު އަލްމުދިޝް ހިކިކިރާއި އަލްމުދިޝް ބްރޭންޑްގެ ޓޮމާޓޯ ޕޭސްޓް، ފަލަކް ބާސްމަތީ ހަނޑޫ ފަދަ ބްރޭންޑްތަކުގެ ރާއްޖޭގެ އޮތޮރައިޒް ޑިސްޓްރިބިއުޓަރެވެ.