ޓްރެވެލް ހިސްޓްރީ އޮޅުވާލައި ދޮގުހެދި ކަމުގެ ކުށް ސާބިތުވެ ޗައިނާގެ މީހަކު 18 މަހަށް ޖަލަށްދާން ޖެހިއްޖެއެވެ.

އެ މީހާ ޖަލަށްލާން ހުކުމްކޮށްފައިވަނީ ގިނަ ބަޔަކު ކޮވިޑް-19 އަށް ޕޮޒިޓިވްވެފައިވާ އުތުުރު އިޓަލީ އަށް ދަތުުރުކުރުމަށް ފަހު އެކަން ފޮރުވަން މަސައްކަތް ކުރުމުގެ ތުހުމަތުގައެވެ.

ޗައިނާގެ މިނިސްޓްރީ އޮފް ޕަބްލިކް ސެކިއުރިޓީން ބުނީ، އުމުރުން 29 އަހަރު ގުވޯ ޗައިނާގެ ބެއިޖިނުން އިޓަލީގެ މިލާނަށް ގޮސްފައިވަނީ މާޗް މަހުގެ އެއްވަނަ ދުވަހު ކަމަށެވެ. ދަތުރު ނިންމާލުމަށް ފަހު އޭނާ އަނބުރާ ޗައިނާ އަށް ގޮސްފައިވަނީ މާޗް މަހުގެ ހަތްވަނަ ދުވަހުއެވެ.

ހެނަން ޕްރޮވިންސްގެ ޒެންގްޒޯ ގައި ހުންނަ ގުވޯ އޭނާގެ ގެއަށް ގޮސްފައިވަނީ ރޭލަކުންނެވެ. ގުވޯ ވަޒީފާ އަދާކުރާ ތަނަށް ގޮސްފައިވަނީ މާޗް މަހުގެ އަށެއް އަދި ނުވައެއްގައި ސަބްވޭ ރެއިލްވޭ ސްޓޭޝަނުން އެ ސަރަހައްދުގެ ފުލުހުންނަށް ގުއޯގެ ޓްރެވެލް ހިސްޓްރީ ދެނެގަނެވިފައިވަނީ މާޗް މަހުގެ 11 ވަނަ ދުވަހުއެެވެ.

ގުވޯ ކޮވިޑް-19 އަށް ޕޮޒިޓިވްވެފައިވާއިރު، އޭނާގެ 40 ކްލޯޒް ކޮންޓެކްޓްސް ހޯދައި އެމީހުން ވަނީ ކަރަންޓީނު ކޮށްފައެވެ.