ކޮވިޑް-19: ޖަޕާނުގެ މަޝްހޫރު ކޮމީޑިއަން ކެން ޝިމުރާ ވައިރަސް ޖެހިގެން މަރުވެއްޖެ

ގިނަ ޢަދަދެއްގެ ބައެއްގެ ހިތްތަކުން ޖާގަ ހޯދި ހެއްވާ މަޖާ ރޯލުތަކުން މަޤުބޫލުކަން ހޯދި ޖަޕާނުގެ ކޮމީޑިއަން ކެން ޝިމުރާ ކޮވިޑް-19 ޖެހިގެން މަރުވެއްޖެއެވެ.

ޝިމުރާގެ އެޖެންސީ އިޒަވާ އޮފީހާ ޙަވާލާދީ ބައިނަލްއަޤުވާމީ މީޑިއާތަކުން ރިޕޯޓުކޮށްފައިވާ ގޮތުން އުމުރުން 70 އަހަރުގެ ޝިމުރާ މަރުވެފައިވަނީ ފުއްޕާމެއަށް ނިއުމޯނިއާ ޖެހިގެންނެވެ. މީގެ އިތުރުން ހަށީގަނޑުގެ ވަރުދެރަވެ، އެހެނިހެން ސީރިއަސް އަލާމާތްތައްވެސް އޭނާގެ ގައިން ފެނުނު ކަމަށް މީޑިއާ ތަކުން ރިޕޯޓުކޮށްފައިވެއެވެ.

ޝިމުރާގެ ގައިން ބަލީގެ އަލާމާތްތައް ފެންނަން ފެށީ މި މަހުގެ 17 ވަނަ ދުވަހުއެވެ. އަދި ހޮސްޕިޓަލުގައި އެދުމަތިކުރީ 20 ވަނަ ދުވަހުއެވެ. އަދި ކޮވިޑް-19 އަށް ޕޮޒިޓިވްވުމުގެ ކުރިން ނިއުމޯނިއާގެ އަސަރު ވަރަށް ބޮޑަށް އޭނާގެ ހަށިގަނޑުން ފެނުނު ކަމަށެވެ.

ޝިމުރާގެ މަރާއެކު ޖަޕާން ވަނީ ރޮއްވާލާފައެވެ. އޭނާ އަކީ ޖަޕާނުގެ ރޮބިން ވިލިއަމް ކަމަށް ގިނަ ބަޔަކު ސިފަކުރެއެވެ. ޖަޕާނުގެ ހުރިހާ މީޑިއާތަކުން ދަނީ ޝިމުރާގެ މަރުގެ ޚަބަރު ގެނެސްދެމުންނެވެ.

ޝިމުރާ އޭނާގެ ފިލްމީ ކެރިއަރު ފަށާފައިވަނީ 1974 ވަނަ އަހަރުގެ ތެރޭގައި ޑްރިފްޓާސް ކިޔާ ކޮމިޑީ ގްރޫޕަކާ ބައިވެރިވުމަށްފަހުގައެވެ. އަދި އޭނާ މުޅި ޖަޕާނުގައި މަޝްހޫރުވެފައިވަނީ ޗާލީ ޗޮޕްލިން ނަކަލުކޮށް ކުރި "މަތިމަސް ނެށުމުން" ނެވެ.

ކޮމިޑީ ދާއިރާއިން މަޝްހޫރުކަން ހޯދި ޝިމްރާ ބުނެފައިވާގޮތުން އޭނާ މި ދާއިރާއަށް ޝައުޤުވެރިކަން އުފެދުނީ އެމެރިކާގެ ކޮމީޑިއާ ޖެރީ ލެވިސްގެ ފަރާތުންނެވެ.