އިރުމަތީ އޭޝިޔާގެ ޤައުމެއްކަމަށްވާ މިޔަންމާއިން ފުރަތަމަ ފަހަރަށް ކޮވިޑް-19 އަށް ޕޮޒިޓިވްވީ މީހަކު މަރުވެއްޖެއެވެ.
މިޔަންމާގެ މިނިސްޓްރީ އޮފް ހެލްތު އެންޑް ސްޕޯޓްސްއާއި ޙަވާލާދީ ބައިނަލްއަޤުވާމީ މީޑިއާތަކުން ރިޕޯޓުކުރާގޮތުގައި، އެޤައުމުގައި މަރުވެފައިވަނީ އުމުރުން 69 އަހަރުގެ ފިރިހެނެކެވެ.
އޮސްޓްރޭލިޔާގައި އެއްމަސްދުވަހުގެ މުއްދަތަކައް ކެންސަރު ބައްޔަށް ފަރުވާ ހޯދުމަށްފަހު އޭނާ އެނބުރި ޤައުމަށް ދިޔައީ، މާރޗުމަހުގެ 14 ވަނަ ދުވަހުކަމަށްވެސް މިނިސްޓްރީއާއި ޙަވާލަދީ ނޫސްތަކުގައި ރިޕޯޓުކޮށްފައިވެއެވެ. އޭނާގޭ ޞިއްޙީ ޙާލަތު ގޯސްވެ، ކޮވިޑް-19 ގެ އަލާމާތްތަކެއް ފެނިގެން ޓެސްޓުކުރި އިރު ޕޮޒިޓިވްކަމަށް ދެއްކި ކަމަށާއި، އޭނާ އަންގާރަދުވަހު ހެދުނު ޔާންގޮންގ ހޮސްޕިޓަލުގައިމަރުވެފައިވަނީ ވައިރަސްއަށް ފަރުވާދެމުންދަނިކޮށްކަމަށްވެސް ރިޕޯޓުތައް ބުނެއެވެ.
މިޔަންމާގެ ހެލްތު މިނިސްޓްރީން ބުނެފައިވަނީ އެޤައުމުގައި ނުރައްކާ މިންވަރަށް ވައިރަސް ފެތުރުމުގެ ފުރުޞަތު ބޮޑުކަމަށެވެ. ސަބަބެއްކަމުގައި ބުނެފައިވަނީ ވައިރަސް ނުރައްކާ މިންވަރަށް ފެތުރެމުންދާ ތައިލޭންޑުގައި މަސައްކަތްކުރަމުން އަންނަ އެޤައުމުގެ އެތައްހާސް ބަޔަކު މި ދަނޑިވަޅުގައި އެނބުރި ޤައުމަށް ދަތުރުކުރަމުންދާތީއެވެ. މިހާރު މިޔަންމާއިން ވިސްނަމުންދަނީ އެއްގަމު ބޯޑަރުތައް ބަންދުކުރުމަށެވެ.
މިޔަންމާއިން މިހާތަނަށް 14 މީހުން ވައިރަސްއަށް ޕޮޒިޓިވްވެފައިވެއެވެ. އެހެންނަމަވެސް ފަރުވާދީގެން މިހާތަނަށް ރަނގަޅުކުރެވިފައިވަނީ އެންމެ މީހެކެވެ.
