ކ. މާލެ
|
30 މާރޗް 2020 | ހޯމަ 08:30
ކަރަންޓީންގައި ތިބި  މީހުން ހޮޓާ ދޫކޮށްދާއިރު ޞިއްޙި ޚިދުމަތްތެރިން ހަދިޔާ ދެއްވަނީ
ކަރަންޓީންގައި ތިބި މީހުން ހޮޓާ ދޫކޮށްދާއިރު ޞިއްޙި ޚިދުމަތްތެރިން ހަދިޔާ ދެއްވަނީ
-
ކޮވިޑް-19
ސައުދީއަރަބިއްޔާގައި ފުރަތަމަ ކަރަންޓީންކުރި މީހުން ގެއަަށް ދޫކޮށްލައިިފ
 
އެމީހުން ގެއަށް ދޫކޮށްލީ ކޮވިޑް-19 އެމީހުންގެ ހަށިގަނޑުގައި ނެތްކަން ޔަޤީންކުރުމަށްފަހު
 
300 މީހުންނަކީ އެހެނިހެން ޤައުމުތަކަށް ދަތުރުކުރުމަށްފަހު ޤައުމަށް އެނބުރި އައި މީހުންތަކެއް

ކޮވިޑް-19 އާއި ގުޅިގެން ސައުދީ ސަރުކާރުން އާންމު ރައްޔިތުންގެ ސަލާމަތާއި ރައްކަލެއްގެ ގޮތުން ތަންފީޒުކުރަމުންދިޔަ އުޞޫލުގެ ދަށުން ފުރަތަމަ ކަރަންޓީން ކުރި 300 މީހުން ގެއަށް ދޫކޮށްލައިފިއެވެ.

ސައުދީ ސަރުކާރުން ފުރަތަމަ ކަރަންޓީން ކުރި 300 މީހުންނަކީ އެހެނިހެން ޤައުމުތަކަށް ދަތުރުކުރުމަށްފަހު ޤައުމަށް އެނބުރި އައި މީހުންތަކެކެވެ. މިމީހުން ސައުދީ ސަރުކާރުން ކަރަންޓީންކުރީ 5 ތަރީގެ ހޮޓަލެއްގައެވެ. ކަރަންޓީންގައި ވަގުތު ހޭދަކުރި މީހުން ބުނެފައިވަނީ ސަރުކާރުން އެމީހުންނާއި މެދު އަމަލުކުރި ގޮތާމެދު ވަރަށް ބޮޑަށް ހިތްހަމަޖެހޭކަމަށެވެ. ވަކިން ޚާއްޞަކޮށް ޞިއްހީ ޚިދުމަތްތެރިންގެ އަޅާލުމާއި ފަރުވާކުރުމުގައި ގެންގުޅުއްވި އޯގާތެރިކަން ދުވަހަކުވެސް ހިތުން ފިލައިގެން ނުދާނެކަމަށެވެ.

އިއްޔެ އެމީހުން ހޮޓަލުން ދޫކޮށްލި ވަގުތުވެސް އެމީހުންނަށް އަލްވަދާއު ކިޔުމުގެ ގޮތުން ޞިއްޙީ ޚިދުމަތްތެރިންނާއި ޑޮކްޓަރުން ހަދިޔާއާއި މާ ބެހިކަމަށް ސައުދީގެ ނޫސްތަކުން ޚަބަރު ފަތުރައެވެ. މިމީހުން 14 ދުވަހުގެ ކަރަންޓީންގެ މުއްދަތު ފުރިހަމަކުރުމަށްފަހު ގެއަށް ދޫކޮށްލީ ޞިއްޙީގޮތުން ފުރިހަމަކުރަންޖެހޭ ކަންކަން ނިންމުމަށްފަހު، ކޮވިޑް-19 އެމީހުންގެ ހަށިގަނޑުގައި ނެތްކަން ޔަޤީންކުރުމަށްފަހު ކަމަށް ސައުދީ އަރަބިއްޔާގެ ހެލްތު މިނިސްޓްރީން ބުނެއެވެ.

ކޮވިޑް-19 އިން ރައްކާތެރިވުމަށް ސައުދީއަރަބިއްޔާއިން އަޅަމުންދާ ފިޔަވަޅުތަކުގެ ދަށުން، ޗައިނާ، މިޞްރު، ފްރާންސް، ޖަރުމަނު، އިރާން، އިޓަލީ، ޖަޕާން، ދެކުނު ކޮރެއާ، އަދި ސްޕެއިންއިން އަންނަ މީހުން ސައުދީއަށް އެތެރެވުން ވަނީ މަނާކޮށްފައެވެ. އަދި އެޤައުމުތަކުން އަންނަ ސައުދީގެ ރައްޔިތުން ހަމަޖެހިފައިވާ އުޞޫލެއްގެ ދަށުން ސަރުކާރުން ހަމަޖައްސާ ފެސިލިޓީއެއްގައި 14 ދުވަހުގެ މުއްދަތަކައް ކަރަންޓީންކުރުމަށް ވަނީ ހަމަޖެހިފައެވެ. އަދި އެމުއްދަތުގައި އާއިލާގެ އެއްވެސް މެންބަރަކާއި ބައްދަލުކުރުމުގެ ފުުރުޞަތެއްވެސް ނުދެއެވެ.

ސައުދީ އަރައްބިއްޔާގައި މިހާރު ވައިރަސް ފެތުރެމުންދާ ޒާތައް ބަލާއިރު މިހާރު އެޤައުމުގައި 1,299 މީހުން ވަނީ ވައިރަސްއަށް ޕޮޒިޓިވްވެފައެވެ. އަދި ފަރުވާދީގެން 66 މީހުން ރަނގަޅުވެފައިވާއިރު 8 މީހަކުވަނީ މަރުވެފައެވެ. އަދި މީހާރުވެސް 1,225 މީހަކަށް ކަރަންޓީންކޮށްގެން ފަރުވާދެމުންދާއިރު މީގެތެރެއިން 12 މީހެއްގެ ޙަލަތު ވަރަށް ސީރިއަސް ކަމަށް ޚަބަރު ލިބެއެވެ.

0%
0%
0%
0%
0%
0%
ކޮމެންޓް
ގުޅުންހުރި
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި