ކޮވިޑް-19އާ ގުޅިގެން ކާފިއު އިއުލާންކޮށްފައިވާ ސްރީލަންކާއިން މިހާތަނަށް 1000 އަށްވުރެ ގިނަ މީހުން ހައްޔަރުކޮށްފައިވާ ރިޕޯޓުތަކުން ބުނެފިއެވެ.
ކޮވިޑް-19 ކޮންޓްރޯލް ކުރުމަށް ލަންކާގެ ސަރުކާރުން ވަނީ ވަރުގަދަ ގިނަ ފިޔަވަޅުތަކެއް އަޅާފައެވެ. އެގޮތުން ކާފިއު އިއުލާންކޮށް، މަގުތަކަށް މީހުން ނުކުމެ އުޅުން ވަނީ މަނާކޮށްފައެވެ.
ލަންކާގެ ފުލުހުންނާ ހަވާލާދީ އޭޕީ ނިއުސްގައި ބުނެފައިވަނީ ސަރުކާރުން އެންގުންތަކާއި ހިލާފުވި 1000 އަށްވުރެ ގިނަ މީހުން މިހާތަނަށް ހައްޔަރުކޮށްފައިވާ ކަމަށެވެ. އޭގެ ތެރޭގައި ގިނައީ، ޖަމާއަތުގައި ނަމާދުކުރަން ތިބި މީހުން ކަމަށް ވެސް ވަނީ ރިޕޯޓްކޮށްފައިވޭ.
ލަންކާގައި މިހާތަނަށް 100 އަށް ގިނަ މީހުން ވަނީ ކޮވިޑް-19 އަށް ޕޮޒިޓިވްވެފައިވާއިރު، އެކަކު ވަނީ މަރުވެފައެވެ.
