ކޮވިޑް-19 އާ ދެކޮޅަށް ކުރާ މަސައްކަތަށް ވޮލަންޓިއަރުން ހޯދަނީ
24 މާރިޗު 2020 | އަންގާރަ 06:04ނަން ނޯޓު ކުރަން ޖެހެނީ ހެލްތު މިނިސްޓްރީގެ އޮންލައިން ފޯމަކުން
ރައީސް ސޯލިހު ނެޝަނަލް އެމަޖެންސީ އޮޕަރޭޝަން ސެންޓަރަށް ޒިޔާރަތްކުރެއްވުން
ކޮވިޑް-19 ނޭޝަނަލް އިމަޖެންސީ އޮޕަރޭޝަން ސެންޓަރުން ކުރަމުންދާ މަސައްކަތުގައި ބައިވެރިވުމަށް ވޮލެންޓިއަރުން ހޯދަން އިއުލާނުކޮށްފިއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ ނޭޝަނަލް އިމަޖެންސީ އޮޕަރޭޝަން ސެންޓަަރަށް ވޮލެންޓިއަރަކަށް ވޮލަންޓިއަރަކަށް ވާން ނަން ނޯޓު ކުރަން ބޭނުންވާ ފަރާތްތަކުން ހެލްތު މިނިސްޓްރީގެއޮންލައިން ފޯމަކުންއެކަމަށް ހުށަހެޅުމަށް އެދޭ ކަމަށެވެ.
ވޮލެންޓިއަރަކަށް ވުމަށް ފޯމު ފުރުމަށް ފަހު ނޭޝަނަލް އިމަޖެންސީ އޮޕަރޭޝަން ވޮލެންޓިއަރުން މެނޭޖުކުރުމާއި ބެހޭ ބައިގެ ނަމްބަރު 3333405 އިން ގުޅަން ދެން މަޑުކުރުމަށް ވެސް އެޗްޕީއޭ އިން ވަނީ އެދިފައެވެ.
ނޭޝަނަލް އިމަޖެންސީ އޮޕަރޭޝަން ސެންޓަރުން ވޮލެންޓިއަރުން ހޯދުމަށް އިއުލާންކޮށްފައިވާއިރު ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހު ވަނީ އެ ސެންޓަރަށް މި މަހުގެ 15 ވަނަ ދުވަހު ޒިޔާރަތްކުރައްވާފައެވެ.
ނެޝަނަލް އެމަރޖެންސީ އޮޕަރޭޝަން ސެންޓަރަށް ރައީސް ވަޑައިގެންނެވި މިއީ ދެވަނަ ފަހަރެވެ. މި ސެންޓަރުން ކޮންމެ ދުވަހަކު 2 ފަހަރު އަންނަނީ ރައްޖޭގައި ކޮވިޑް-19 އޮތް ހާލަތު ހާމަކޮށް އާންމުންގެ ކަންބޮޑުވުންތަކަށާއި، ނޫސްވެރުންގެ ސުވާލުތަކަށް ޖަވާބުތައް ދިނުމަށް ނޫސްވެރިންގެ ބައްދަލުވުންތައް ބާއްވަމުންނެވެ.
ނެޝަނަލް އެމަރޖެންސީ އޮޕަރޭޝަން ސެންޓަރަކީ ރައީސް އިބްރާހިމް މުހައްމަދު ސޯލިހުގެ ހާއްސަ އިރުޝާދު ގެ ދަށުން، ނެޝަނަލް ޑިޒާސްޓާ މެނޭޖްމަންޓް ސެންޓަރު (އެންޑީއެމްއޭ) އަދި ހެލްތް ޕްރޮޓެކްޗަން އެޖެންސީން (އެޗްޕީއޭ) އިން ގާއިމްކުރި ސެންޓަރެކެވެ.
