ގަތަރު އެއަރވޭސްއިން އައި ދިވެހި މީހާވެސް ކޮވިޑް-19 އަށް ނެގެޓިވްވެއްޖެ

ގަތަރު އެއަރވޭސްގެ ފްލައިޓަކުން ރާއްޖެ އައި ދިވެހި މީހާ ކޮވިޑް-19 އަށް ނެގެޓިވްވެއްޖެއެވެ.

އެކަމާ ގުޅޭގޮތުން އެޗްޕީއޭއިން ބުނީ، އޭނާއަކީ ސްޕެއިން އިން އެނބުރި އައި މީހެއް ކަމަށާއި، އޭނާގެ ކިބައިން ކޮވިޑް-19 އަށް ޝައްކުކުރެވޭ އަލާމާތްތަކެއް ފެނިގެން އާދިއްތަ ދުވަހު ފަރުކޮޅު އައިސޮލޭޝަން ފެސިލިޓީއަށް ބަދަލު ކުރެވިފަައިވާ ކަމަށެވެ. އަދި އޭނާގެ ޓެސްޓުތައް ހެދުމަށްފަހު، ސާމްޕަލް ނެގެޓިވްވެފައިވާކަން ހޯމަ ދުވަހު އެޗްޕީއޭއިން ވަނީ ހާމަކޮށްފައެވެ.

އޭނާގެ ޓެސްޓު ނަތީޖާތައް ނެގެޓިވްވެފައިވާއިރު، ކޮވިޑް-19 އަށް ޝައްކު ކުރެވޭ އަލާމަތްތައް ފެނިގެން ސްޕެއިން އިން ރާއްޖެ އައި އިތުރު ދިވެއްސެއް ޓެސްޓު ކުރުމުގެ މަސައްކަތް ކުރަމުންދާކަމަށް އެޗްޕީއޭއިން ބުނެއެވެ. އެގޮތުން އޭނާ ފަރުކޮޅުފުއްޓަށް ގެންގޮސް ޓެސްޓު ކުރުމުގެ މަސައްކަތް ކުރާނެ ކަމަށް އެޗްޕީއޭއިން ބުނެއެވެ.

ރާއްޖެއިން މިހާތަނަށް 13 މީހަކު ކޮވިޑް-19 އަށް ޕޮޒިޓިވްވެފައިވެއެވެ.