ކޮވިޑް-19 އަށް ނެގެޓިވްވި އިޓަލީ ކުޑަކުއްޖާ ރާއްޖެ ދޫކޮށްދިޔައީ ހިލޭ ދަތުރަކާއިއެކު
16 މާރިޗު 2020 | ހޯމަ 13:28ވައިރަހަށް ނެގެޓިވް ކަން ހާމަކުރީ މާޗް މަހުގެ 11 ވަނަ ދުވަހު
ޓުއަރިޒަމް މިނިސްޓަރ އަލީ ވަހީދު ވަނީ އެކުއްޖާއާއެކު އެ ކުއްޖާގެ މައިންބައިފައިންނާ ބައްދަލު ކުރައްވާފަ
ކޮވިޑް-19 އަށް ޝައްކުކުރެވިގެން ޓެސްޓުކުރި އިޓަލީގެ ތުއްތު ކުއްޖާ ބައްޔަށް ނެގެޓިވްވުމުން ވިލިވަރުގައި 14 ދުވަހުގެ ކަރަންޓީނުގެ މުއްދަތު ފުރިހަމަ ކުރުމަށްފަހު އެނބުރި ގައުމަށް ފުރައިފި އެވެ.
އައިސޮލޭޝަންގެ މުއްދަތު ހަމަކުރުމަށްފަހު އެމީހުން އެނބުރި ގައުމަށް ދިއުމުގެ ކުރިން ޓުއަރިޒަމް މިނިސްޓަރ އަލީ ވަހީދު ވަނީ އެކުއްޖާއާއެކު އެ ކުއްޖާގެ މައިންބައިފައިންނާ ބައްދަލު ކުރައްވާފައެވެ.
ރާއްޖެ.އެމްވީއަށް މައުލޫމާތު ދެއްވަމުން ޓޫރިޒަމް މިނިސްޓަރު ވިދާޅުވީ، އެ ކުޑަކުއްޖާއަށާއި އެކުއްޖާގެ މައިންބަފައިންނަށް އަންނަ އަހަރު ރާއްޖެއަށް ހިލޭ ދަތުރެއް ހަދިޔާކޮށްފައިވާ ކަމަށެވެ.
ވައިރަހުގެ އަލާމާތްތައް ހުރެގެން ކަރަންޓީނުކުރެވުނު މި ކުޑަކުއްޖާ، ވައިރަހަށް ނެގެޓިވްކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ހާމަކޮށްފައިވަނީ މާޗް މަހުގެ 11 ވަނަ ދުވަހުއެވެ.
އެގޮތުން އެކުއްޖާ ބައްޔަށް ނެގަޓިވް ވުމާއި "ކޮންޓެކްޓް ޓްރޭސިންގ" ގެ މަސައްކަތް ނިމުމާއި ގުޅިގެން އޭރު އޮތް މޮނީޓަރިންގެ ހާލަތުން ވަނީ އާއްމު ހާލަތަށް ގެނެސްފައެވެ.
ރާއްޖެއިން މި ނުރައްކާތެރި ރޯގާއަށް 13 މީހަކު ވަނި ޕޮޒިޓިވްވެފައެވެ. އެ ހުރިހާ އެންމެންނަކީވެސް ބިދޭސީންނެވެ.
