ގދ. ރަތަފަންދޫ ފުޓްބޯޅަ ދަނޑުގައި ބަޔަކު އަލިފާން ރޯކޮށްލި މައްސަލައެއް ބަަލަމުންދާ ކަމަށް ފުލުހުން ބުނެފި އެވެ.
މިޑިއާތަކަށް ފޮނުވި މެސެޖެއްގައި ފުލުހުން ބުނެފައިވަނީ، ހޮނިހިރު ދުވަހުގެ 19:35 ހާއިރު ރަތަފަންދޫ ފުޓްބޯޅަ ދަނޑުގައި ރޯކޮށްލާފައިވާ ކަމުގެ މައުލޫމާތު ލިބިފައިވާ ކަމަށެވެ. ފުލުހުންނާއި އެރަށު ރައްޔިތުންނާ ގުޅިގެން އަލިފާންގަނޑު ނިއްވާލާފައިވަނީ ހޮނިހިރު ދުވަހުގެރޭ އަށެއް ޖެހިއިރު ކަމަށް ފުލުހުން ބުންޏެވެ. އެކަމަކު އެކަން ކުރި ބަޔަކު އަދި މިހާތަނަށް އެނގިފައެއް ނުވެއެވެ.
ފުލުހުން ބުނީ، އެ ހާދިސާގައި އެއްވެސް މުދަލަކަށް ގެއްލުންނުވާ ކަމަށެވެ. އެ ދަނޑަކީ ގުދުރަތީ ވިނަ ދަނޑެއް ކަމަށާއި، އެ ދަނޑުގައި ރޯކޮށްލާފައިވަނީ ދަނޑުގެ ތެރޭގައި ހުރި ގިނަ ވިނަތަކުގައިއާ ކުދި ގަސްތަކުގަ އެވެ. އެ މައްސަލަ ފުލުހުން ދަނީ ތަހުގީގު ކުރަމުންނެވެ.
